【溏心風暴3】王浩信英文水平低勁自卑 見到女神香香好尷尬

撰文:
最後更新日期:

王浩信聽香香話唔揸電單車,仲走去放咗架新買嘅電單車。

無綫50周年台劇重頭劇《溏心風暴3》已經播出了三集,系列入面最熟口熟面的嗌交場面,亦都由米雪和關菊英聯手揭開了序幕,兩人自此不和,即是這套劇開始會好嘈吵了。而在今晚播出的第4集,當然唔會少得巴辣的關菊英再次發功啦,真係野蠻到極,差在未潑婦罵街咋。不過,其實《溏心3》又不是一味得個嘈字,都有一些情戲幾清新㗎。劇中王浩信(Vincent)與岑麗香這對就大玩純愛feel,Vincent由細暗戀香香到大,上集同香香在雨中相認後更加深深迷戀上香香。

以下內容少量劇透,逃生門在此:

王浩信見到香香呢張相就即刻去搵佢。

結果真係見到香香。

今集就講Vincent聽香香話叫他不要駕電單車,就走去放了新買的電單車。他對香香朝思暮想,連做gym都掛住香香,邊玩跑步機邊用手機睇香香個社交網頁的靚相,身邊有其他女仔主動撩他都全部當透明。他睇到香香上載了一張騎馬相寫住河上鄉騎術會,就心急到約都無約香香即駕車去睇下會否遇到香香,以無綫的橋段結果當然給他踫個正着。Vincent咁有緣見到香香原本應該好開心,滿心歡喜準備上前打招呼,不過當他見到香香同兩個朋友用英文交談時,個樣就變得好為難兼想打退堂鼓轉身走人,點知給香香叫住。

見到香香講英文,浩信個樣即刻變得好為難咁。

不過畀香香叫住咗。

原來Vincent是因為英文不好而感到自卑,他在外國的野雞大學讀了兩年就輟學,即是大學未畢業,英文水平自然不及從小已到英國留學且大學畢業的香香,所以他不想在香香面前講英文,怕出醜。而他婉拒香香朋友邀請,表示要回家吃飯時竟說:「no la,no la,I go home dinner。」完全是港式英文嚟㗎。

+17
+16
+15


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。