28年前倉底劇接《壹號皇庭V》咩玩法? 其實TVB咁先係高招

撰文:
最後更新日期:

現在晚上11時50分播放的《壹號皇庭V》仲有一個月就會播完,連播五輯法庭戲大家可能都會有些厭倦,所以無綫決定不再播時裝戲,改播古裝!不過你依然會見到歐陽震華,事關接下來播出的《晉文公傳奇》一樣有他,但由主角變成配角,咁邊個係主角咁勁?就係黎明!

好後生呀嗰陣嘅黎明!(網上圖片)

這套《晉文公傳奇》在1989年拍攝,不過拍完後並沒有在香港的電視頻道播放,只有向海外發行錄影帶和DVD,是正宗的倉底貨!由黎明、羅慧娟、郭秀雲、和黃子揚主演,加埋歐陽震華、陳榮峻、李中寧做配角,真係好想睇!其實套劇又未至於無喺香港播過,在2009試過在無綫收費電視經典台《我們的…黎明》播放,不過相信都應該無人睇過。這次咁特別開套舊劇播放,難道無綫想將一啲以前的倉底或者久遠年代的劇集重推一次谷收視?其實在之前重播《大時代》的時候,反應已經十分之好,有觀眾甚至話這個午夜時間先係黃金時段!根據消息,這個午夜劇場其實都有一定收視,而TVB卻無需成本,因為播舊劇,但又有得用收視去找廣告,正宗無本生利。如果今次玩古老劇又成功,可能又可以賺一筆,認真醒目!

呢套《晉文公傳奇》真係有人睇?(網上圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。