期待亞視新《百萬富翁》？ 當年周星馳就係答呢題攞走一百萬！
撰文：施可瑩
出版：更新：
亞視復活成為了近期大家討論嘅熱話，但一講起亞視，通常大家第一時間都會諗起《百萬富翁》，點少得主持人陳啟泰呢！其實亞視下星期一就會推出新嘅OTT數碼平台，當然會食盡所有經典嘅老本啦！咁又點少得人氣遊戲節目《百萬富翁》呢？但係大家新版嘅《百萬富翁》就唔會再見到陳啟泰主持，就轉左前TVB高層陳志雲，有陳志雲倒戈相向嘅《百萬富翁》大家又期待嗎？未知新版嘅《百萬富翁》會請到咩野嘉賓上去，但當年《百萬富翁》就請到星爺周星馳上去玩，仲要拎到一百萬！到底星爺係因為咩問題拎走一百萬呢？
星爺周星馳當年係《百萬富翁》拎一百萬絕對係經典！（網上截圖）
+2
當年周星馳就上去特別版嘅《少林足球百萬富翁慈善夜》挑戰一下，不但為亞視打敗TVB由DO姐鄭裕玲主持嘅《一筆OUT消》得到平均29點、最高34點嘅收視，更加為周星馳帶來了一百萬！當時周星馳同李敏就係因為答岩「西方著名音樂家蕭邦死於哪種疾病？」而拎走一百萬架！大家不如一齊玩下！
不如大家都一齊玩下啦！
問題：西方著名音樂家蕭邦死於哪種疾病？
正確答案係……「B. 肺結核病」！因為李敏一句「藝術家都係肺癆死」就幫周星馳得到一百萬！不過因為係慈善賽，所以最後由瑪麗醫院得益，但過程已經為觀眾帶來無窮樂趣呀！唔知新《百萬富翁》有無可能再創經典呢？
星爺，你得左啦！（網上截圖）
不過大家係新《百萬富翁》就無得再見到陳啟泰啦！（網上截圖）