亞視手機App係MyTV同Big Big Channel混合體 38蚊一個月抵唔抵？
撰文：郭敏玲
出版：更新：
亞視手機App見到少量已加盟亞視嘅藝人，包括李麗蕊及曾經當過歌手的朱紫嬈。（手機截圖）
12月18日是一個特別日子，就是不死亞視將會舉行記者會宣布復活。想不到來到2017年，依然要提「亞視永恆」。據知英皇娛樂前行政總裁吳雨擔大旗，成功進行了心肺復甦，主打OTT（Over-The-Top）網絡電視形式經營，找來了陳志雲、陶傑、向海嵐、樂瞳等人加盟，昨日手機App已經上架，希望今次復活不是雷聲大雨點小。
兩者介面的確有相似嘅地方，不過BBC較為繽紛啲。
雖然有手機App，但官方還未開放註冊會員功能，要等到12月18日中午12點才可以試用。不過據消息指，手機App有免費及月費計劃，收費每月38元。明日開通之後，暫時都係睇住重播先，到正式開台有節目製作完成之後，才會陸續有新嘢睇。
亞視個App可以再繽紛啲。
看過亞視手機App的介面預覽，其實同Big Big Channel有幾分相似，未知是否真的衝着TVB的頭上來，不過亞視App所用的色調比較低沉，略嫌有點old school，未知是否一大特色，有一點cult味。兩者都有一個「KOL的欄目」…不過這班KOL就不太清楚是何方神聖，而且欄目名稱有點老土，「輕鬆講馬」、「塔羅教室」，以及「筆是潮人」等，聽落去感受不到甚麼潮味。雖然亞視已密密搵大量藝人加盟及過檔，但一日未開估，一日未有節目完成，手機App的用途都只能當作是「歲月留聲」，回顧《我和殭屍有個約會》等比較經典的節目。其他功能如「財經節目」、「運動」、「電影」、「音樂」等，其實與收費電視大同小異，暫時未看到有甚麼噱頭。
+5
而《百萬富翁2018》傳聞搵埋前無綫高層陳志雲好勁？好似未必，因為玩嘅都係食老本，簡單嚟講套路都係一樣，只不過搵嘅嘉賓勁唔勁得過以前，就要聽日先知。不過到目前為止，大家又會唔會為睇亞洲，每個月畀38蚊？而隔籬其他收費電視有得睇英超、歐聯之外，仲有咩時候會睇下亞視個手機App？暫時嚟講，可能翻睇《我和殭屍有個約會》嗰陣先會！