【開心速遞】Mandy係一個滿分女朋友　同真人謝芷倫一樣性格

最近《愛．回家之開心速遞》的時間，大家都將重點放在大小姐（林淑敏飾）和送水輝（許家傑飾）的感情線上，林淑敏更因為此角色而爆紅，人氣高漲。不過昨晚除了大小姐之外，有一個角色也是十分出位，就是大小姐的秘書Mandy林美香（謝芷倫飾）。

在劇集中，她會跟男朋友秦博思（馬貫東飾）一起在街邊食腸粉，不會對食要求多多，是一個肯捱的女友，仲會為了腸粉多了一條而高興，因為慳了錢，又唔怕捱又慳家！因為工作關係，在水吧做過，懂得整飲品。在工程部做過，所以懂得整電器，連油漆都難佢唔到，而且因為被大小姐訓練，根本不怕辛苦，比起一般女仔更耐捱。除了這些自身的功能之外，Mandy最難能可貴的是她對博士的專一，無論大小姐幾咁想介紹富二代給她，她都不為所動，願意繼續和無錢的博士一齊，只是這種心態就已經值一百分喇！

至於飾演Mandy的謝芷倫（Jan），其實性格和角色都有幾份相似，在之前接受《香港01》訪問時她說到：「識我嘅朋友都知我一向穿著好樸素㗎，我不好名牌的！」又是一個女朋友應有的態度！而講拍戲的時候，不怕辛苦的她也只要求全部親身上陣，即使是危險場面，她說：「拍劇幾年唔算長，試過好多較為危險嘅鏡頭，我都親身上陣。我對自己演岀有要求，每拍一場我都會加咗啲壓力俾自己。還有次拍內地電影，有場戲講我同另一架單車相撞而跌低，我冇落軟墊，我真係連人帶單車跌咗落地，痛到喊咗岀來。」這種不怕捱辛苦的精神，也是跟劇中的Mandy十分相似！