江若琳為男友訂造生煎包生日蛋糕　Oscar公開放閃︰I love you！

江若琳（Elanne）自從同「生煎王子」蕭潤邦（Oscar）拍拖後，成日都在社交網絡放閃。為了慶祝男朋友的37歲生日，Elanne特登訂造超巨型生煎包蛋糕，男朋友收到一定好開心！Oscar不嬲係忠實曼聯球迷，去年12月仲一齊飛去英國曼聯主場睇波。個蛋糕公仔化身做個生煎包，著住曼聯波衫踢波，呢個女朋友真好識做，個公仔完美表達出Oscar的特點。壽星仔Oscar公開多謝女友「蘋果」，「Yeah 37，多謝蘋果安排一個驚喜生日P給我！I love you！見到好多老友！」真係好肉麻，不過呢個生日驚喜又真係好開心！

去年4月，Elanne同Oscar公開戀情後，一直高調晒恩愛，去年底又一齊去荷蘭和英國旅行，仲為了支持愛隊，去英國睇波，好SWEET！Oscar身上仲有個愛的紋身，有個「E」宇在手腕，今次真係打風都打唔甩！