【早霸王】結婚前一日電話終於打通 網民喪鬧浪費表白機會

撰文:
最後更新日期:

每逢一到星期五這個日子,就知道係《早霸王》表白環節《你知道唔知道有人掛住你》的時候,今日有個男聽眾叫做「安德魯」,英文就叫Andrew,不過佢就唔係表白嘅:「唔好意思我唔係嚟表白,不過我好需要打呢個電話,其實我基本上由未拍拖想表白,到一齊咗,都打唔到上黎,到想求婚打上黎又唔得,可惜我聽日結婚喇!」一聽到結婚,成班聽眾都嬲嬲豬,明明呢個環節係被單身狗表白㗎嘛,有女仲打上嚟,曬咗個機會!

【早霸王】男仔成日被嫌幼稚唔成熟 森美教路:有計劃要講佢聽!

【早霸王】酒吧失身3日閃電示愛 結局連森美小儀都絕對估唔到!

依家《早霸王》變咗做大家嘅表白機器。(網上圖片)

但你唔好理,總之人哋打得通就已經贏咗,連小儀都忍唔住讚佢一句:「你都好嘢喎,一路有恆心。」Andrew明明已經就結婚,做咩仲要打電話上嚟呢,原來係喺婚禮上有爭執:「因為搞呢個婚禮,我個人比較隨意,女仔比較在意,佢就會想揀得更加好,好多時候我覺得係你要求高,不如你揀啦。」Andrew形容同未婚妻係好少會鬧交,可能因為近排結婚壓力大,所以多咗好多磨擦,Andrew仲講過一句語氣好重嘅說話,話個婚禮越搞越唔開心,好彩事後都識死,即刻氹返女友。

身為女仔嘅小儀都有分享自己心得,「雖然感覺上你懶懶閒,但其實你係在意嘅,有陣時女仔太忙嘅時候會忽略咗你,覺得自己樣樣都做曬,冇發現原來你都有做過嘢。」

+4
+3
+2

今集冇咗森美,唔知大家聽得慣唔慣?(小儀FACEBOOK)

最後就當然幫Andrew打畀未婚妻穎恩做和事佬緩和吓氣氛,電話接通聽到未婚妻把聲頹頹哋,佢解釋話:「呢排比較忙,攰啲,忙搞結婚嘅事,咁女仔有好多要求,對婚禮有好多憧憬。」正如Andrew所擔心嘅事,不過好在穎恩同正如Andrew一樣咁識體諒對方:「佢其實都好肯幫我,雖然有時覺得我要求高 我會躁底、發脾氣,總係覺得佢做得唔夠,但心底裡知佢做咗好多嘢。」女仔就最怕男人成日打機,未婚妻穎恩都唔例外:「你知男仔會打機,佢一打機唔理我,我會話你唔都付出嘅,我有時都驚會鬧走佢。」嘩,Andrew同穎恩曬恩愛曬到咁,真係幫佢唔落,下次有拖拍就唔好打上嚟放閃光彈啦,得啦,知你兩個好Sweet喇,88。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。