【星B去旅行】Jasper梁浸浸感情勁好 陳真人仔細細有暖男風範

撰文:洪曉璇
出版:更新:

有一種閨蜜叫鄭希怡應采兒黃伊汶,佢地三個差不多時間出道,不過並無因為競爭而成為勁敵,反而惺惺相惜成為知己密友。由工作、拍拖、結婚,到齊齊升格做媽媽,佢地都係對方生命佔有重要位置。最近佢地齊齊帶埋小朋友親子旅行,Yumiko呢日上載幾張相,原來呢次旅程已經去到尾聲,幾位小朋友Jasper、梁浸浸以及陳真攬埋一齊,睇嚟同媽媽們一樣感情相當好呀。

鄭希怡、應采兒、黃伊汶三個感情相當好,連帶佢地嘅小朋友都自細相識。(微博圖片)
幾個靚媽帶埋下一代親子旅行,真係相當難得。(鄭希怡Facebook)
去到旅程尾聲,幾個小朋友都相當不捨攬住唔放手。(鄭希怡Facebook)

應采兒嘅囝囝Jasper以及Yumiko囡囡梁浸浸,去年分別參加兩個內地親子真人騷後爆紅,風頭甚至比星爸星媽有過之而無不及。因為媽媽嘅關係佢地自細已經係好玩伴,其實仲有一個星B就係黃伊汶同陳國坤嘅囝囝陳真。連日嚟Yumiko都有分享旅行相片,繼Jasper梁浸浸分享食物之後,呢日嘅大合照都相當有愛,其中一張係佢地坐喺樓梯上,Yumiko寫上「Bye Bye.... 我地下次再玩過。」

#多謝弟弟幫我㩒住條裙 #咁細個就咁gentleman」睇真啲梁浸浸成個翻版牛奶妹一樣相當可愛,但原來佢坐低時唔記得合埋對腳,小陳真就幫佢襟住免得走光。兩歲都未到就咁有紳士風度,好有Jasper暖男風範咁噃,唔知嚟緊黃伊汶會唔會帶佢拍攝親子真人騷呢?

大家俾牛奶妹梁浸浸個樣吸引之餘,有無留意到陳真嘅貼心舉動呢。(鄭希怡Facebook)
梁浸浸同陳真自細一齊長大,陳真都相當可愛,好有做星B潛質呀﹗(微博圖片)
+5