唐詩詠登視后惹負皮 解答續約換獎傳聞:我同TVB仲有好長約

撰文:冼燕珊
出版:更新:

唐詩詠擊敗大熱宣萱同網友最愛李佳芯,爆冷奪得《萬千星輝頒獎典禮》最佳女主角,在一個月內由大冷變熱門,即被傳媒指係續約換獎,Natalie今日出席活動時解釋話:「真係無呢件事,我同TVB仲有好長嘅約,我明白每年都有呢啲新聞,但無所謂啦。」

原本拎獎係開心事,但登上視后寶座次後反而出現負評,網上撻伐聲音不斷,Natalie面對負評反而放得幾開:「呢樣嘢我控制唔到,多謝公司鼓勵我,好多嘢都好難控制,我唯一可以做嘅係做好啲。」看來詩詠都好閞心巴打留言。

詩詠話同TVB仲有好長嘅約,所以不存在以約換獎之說。(江智騫攝)

問到前男友洪永城有無祝賀佢,Natalie坦言話有,咁兩人依家係咩關係呢?「關係都係無變嘅,無發生大家所想嘅事。」咁有無機會復合?「要發生咗先答到大家。」即係話最佳女朋友仲未有男友喎!

唐詩詠係後台受訪時指,同自己講過如果係台上拎到獎一定要多謝好友田蕊妮。(江智鶱攝)
面對負評,詩詠話雖然唔開心,唯有盡力做好啲。(江智騫攝)