佘詩曼洪天明等食團年飯 周家蔚同框企勁遠
撰文：冼燕珊
出版：更新：
洪天明去年底在上海被拍到拖女上房，疑似背妻偷食，一向好撐老公的周家蔚，相比起2014年洪天明與女星傳緋聞嗰次，家蔚出PO力挺老公，今次佢反而無為老公發聲，隔咗一排先上載一兩張家庭照，但被指「一個無表情，一個無嘢講」，之後家蔚再PO返張一家四口嘅相，疑似闢謠，但自此天明幾乎絕跡於老婆嘅Instagram，令人不禁懷疑家蔚今次動真氣。
洪天明被指偷食之後，周家蔚隔咗一排先上載同老公合照，但被指「一個無表情，一個無嘢講」。（Instagram圖片)
近期洪天明幾乎絕跡家蔚的Instagram，社交平台上多是兒子和朋友聚會的照片。（Instagram圖片)
近排兩公婆終於有框機會，日前佢地同成班好朋友，包括佘詩曼、姚樂怡、湯盈盈及文頌嫻等一齊食團年飯，正常一大班朋友，最親密另一伴多數都會企返隔離，但從大合照所見，天明同家蔚兩公婆企到好開，睇嚟天明仲要努力喎。
【港女講感情】洪天明飲醉酒被扶上房？男人飲酒其實比女人更危險
兩公婆終於有框機會，但天明同家蔚兩公婆企到天各一方，唔通真係有有心結未解？ （Instagram圖片)