【王嘉爾@GOT7】Jackson餵粉絲食湯圓　同胡鴻鈞研究花炮賀狗年

GOT7香港成員王嘉爾（Jackson）在MOKO商場出席賀年倒數活動，近距離和香港粉絲見面，同場仲有坤哥吳業坤、胡鴻鈞、鄧小巧、Supper Moment同黎曉陽一同現身，更和現場朋友大玩遊戲喜迎新春。Jackson一出場就即刻用廣東話同大家打招呼，令大家都覺得份外親切，更加有幸運粉絲可以上到台上同Jackson玩遊戲，一齊學跳舞同被Jackson餵食湯圓。台下粉絲見到都尖叫連連，相信大家咁樣叫一叫，2018狗年都可以叫旺個市。

攝影：陳順禎、張穎倫

去到倒數嘅時候，Jackson同吳業坤、胡鴻鈞、鄧小巧、Supper Moment同黎曉陽等人都有再次上台同大家倒數。見到Jackson同坤哥喺台上有講有笑都幾熟落，之後Jackson又同胡鴻鈞一齊研究支花炮，估唔到一支花炮就成功拉近大家嘅距離！但當大家放花炮的時候，Jackson卻一直都未能成功，所以全場粉絲再次倒數十秒，可惜都係失敗！主辦單位見到扁嘴嘅Jackson，於是拎咗一條新嘅花炮畀Jackson再嚟過，十分搞笑。最後，Jackson唱出自己嘅歌曲《Papillon》，並同全場粉絲一齊自拍完成今次嘅農曆新年倒數活動。

（觀看更多）

《7th Gaon Chart大獎》姜丹尼爾無回應戀情　Jackson國語講感受

下載《香港01》App，更多韓星靚相、影片率先睇！

http://bit.ly/HK01_App

我們01韓迷的facebook專頁Kpop 01已經開始喇！

想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/