【果欄中的江湖大嫂】終於等到馮盈盈出場:希望大家唔會兼棄我!

撰文:
最後更新日期:

馮盈盈今次做酒吧老闆。(劇照)

《果欄中的江湖大嫂》經過漫長嘅等待,終於有得睇啦!劇集首播2集網上反應都尚算不錯,不少網民都大讚香香公主(岑麗香)同煒哥(陳煒)表現出色。呢排劇中各個演員都落力出post宣傳,其中要數最落力宣傳嘅,就緊係首次擔正做女主角嘅馮盈盈啦。昨日馮盈盈仲喺個人社交平台出post,預計自己會喺《果欄中的江湖大嫂》第2集出場添。網民知道馮盈盈出場,仲個個都話留喺等睇添。

馮盈盈仲預早post IG叫大家支持,點知睇足成晚都未見。(網上截圖)

不過點解睇晒成晚都唔見人嘅?原來係馮盈盈擺咗烏龍。馮盈盈接受《香港01》訪問:「我真係好冇經驗,唔知會因為剪接關係影響出場時間。因為劇本寫我係第2集最尾出場,所以我就以為實冇死我喺第2集出場。」不過睇返facebook留言,就有網民話俾馮盈盈呃咗,要罷睇《果欄中的江湖大嫂》。馮盈盈回覆時就話:「我諗去到星期5之前我應該就會出場,所以大家一定要keep住睇,keep住睇先知我幾時出場㗎嘛。好感激大家咁期待我出場,小女子都好感動。請大家俾多次機會我,我應該係今晚架啦。」

面對網民的支持,馮盈盈說:「小女子開心之餘,仲有啲受寵若驚,同時亦都好擔心期待越大失望越大。我希望大家期待我出場之餘,出咗場之後都唔會兼棄我。」

睇咗成晚先知馮盈盈未出場,搞到班網民嬲嬲豬。(網上截圖)

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。