【果欄中的江湖大嫂】馮盈盈演小狼女有江湖味:最盡飲半枝白酒

撰文:
最後更新日期:

《果欄中的江湖大嫂》進入第二個星期,多條主線劇集開始浮面,例如馮盈盈將會正面挑戰李天翔,據知他們在劇尾還有更多激烈場面。不過講起馮盈盈,今次這套《果欄中的江湖大嫂》是她的第一部劇集,但角色已經十分多發揮,除了是一個酒吧老闆,要演一陣有江湖味的烈女之外,之後還會有爆喊、醉酒、被打等等的激烈場面,作為一個新人要駕馭如此多情況,好期待她的演出!

馮盈盈之後的劇情將會好激。(劇照)

作為一個酒吧老闆,酒吧當然是角色小狼女的主場,那麼盈盈咪要成日流連酒吧參考角色?在接受《香港01》訪問時,她表示自己沒有因此去酒吧,而且酒量更是十分差,「我都想去視察㗎,但一開拍真係忙到不得了,所以無時間。講到酒量其實我真係好唔稱職,因為選完港姐入咗行之後我就好少飲酒,酒量比起大學時期真係差咗好多。」原來之後有一場戲是盈盈要飲醉酒跟楊明對戲,唯求迫真所以她主動向導演拿了兩罐啤酒一飲而盡,「飲完兩罐我就即場醉到好迫真,因為真係醉咗。雖然成功做到嗰場戲,發酒瘋咁去鬧楊明,但最後我喺打直離開個場,然後打橫俾人抬上公司車,仲要call屋企人接我走,因為我真係飲兩罐就醉鬼咗。」想不到她竟然兩罐啤酒就醉倒了。

兩罐啤酒就醉,咁好危險喎!(劇照)

+3
+2

馮盈盈麥美恩船上化妝神技 左搖右擺真係絕對無影響

【後生仔傾吓偈】馮盈盈為haters和fans化干戈:成功完成港姐使命

馮盈盈嗲扮李一桐 做港產黃蓉有無得諗?

不過盈盈的酒量並不是從來都如此差勁,原來在她的大學時期真的可以做一個烈女,她說:「以前大學時候最高峰可以一個人飲半枝白酒,都盡㗎喇,唔算太飲得。而家有時喺party,女仔好容易俾人叫飲酒,我有咩方法可以應對呢啲場面呢?其實都係真嘅,我聽日要開工上鏡,我唔飲得酒,因為我一飲完酒,就算好少都好,我第日個樣一定會水腫,所以都解釋咗點解入行之後飲少咗好多酒,只要聽日要開工我都唔會飲酒。」開工前不飲酒,反而開工為了入戲就飲酒,果然夠專業!

又靚又專業,未來花旦係你喇!(Instagram圖片)

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。