【翻生武林】張漢斌演死囚臭足4個鐘:含住嚿暖三文魚先難頂

撰文:
最後更新日期:

喜歡Photo Hunt的網友必定會問,為何明朝會出現一舊三文魚,其實很有苦衷.....不是因為穿崩。

《喜劇之王》入面的尹天仇,就算被火燒都不敢停低繼續演出,星爺演活一個專業演員的態度,想不到TVB亦有一位,就係上星期《翻生武林》第五集,劇中飾演被死囚的張漢斌,雖然該場戲只得短短25秒,但佢完全將一名死囚行刑前受盡的屈辱,演得淋漓盡致,一開始先被雞蛋掟頭,之後菜心、蕃茄、豆腐全部落佢身上,更要生食一嚿肉哽死,畫面相當迫真,直達電影級數,我哋睇得過癮,但張漢斌原來演呢場戲相當辛苦。仲攪到成身惡臭。

呢場戲喺30幾度下拍攝,全部餸頭餸尾都發出惡臭,企喺隔離都覺得辛苦,何況張漢斌身在其中。

【心理追兇】綠葉王唔hea做依然有火 張漢斌:喺TVB冇火捱唔到!

有網友看完都cap下畫面,大讚張漢斌專業,不過他就好謙表示盡演員責任:「嗰日幾熱架,拍咗4個鐘左右,雞蛋掟埋嚟初時係無嘢,但過咗陣有就啲臭味,其實最難定係豆腐,因為都擺咗大半日,都好酸醙下,其實明嘅,大家都唔想,拍下等下係咁㗎啦;呢場咁短嘅戲,拍咗兩日㗎,因為第一次拍,導演想我被嚿肉掟入喉嚨哽死,我就俾舊三文魚掟落口十幾次,但監製返公司睇帶,覺得哽死嚿肉太細,唔夠說服力,所以要補拍,就變咗而家出街版本,我攞嚿肉食哽死。」真係好專業。

呢場戲可能係《翻生武林》中,最精彩嘅一幕。

不過網友不禁要問明朝為何出現厚切三文魚腩,唔通係鄭和下西洋帶返嚟,大家唔好鬧無綫事事旦旦,原來有苦衷,張漢斌:「劇本寫係生豬肉,但導演就改咗係魚生,唔係真係擺唔到落口,不過就算魚生都食唔到,因為都擺咗半日,啲魚生都暖哂,擺落口6,7次,最後都吞唔到.....因為真係感覺好奇怪,不過拍戲係咁架啦,相信每一個演員都會咁做,出嚟效果好咪得囉,我完咗即刻去一廠更衣室沖涼。」呢啲咪專業囉。

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。