【東張西望】利穎怡錄旁白被導演嫌棄:之後我匿埋喺廁所喊

撰文:
最後更新日期:

《東張西望》迎來第3000集,在討論區搜尋「東張西望」4個字,通常都會連帶出現各位女主持的名字:林泳淘、朱智賢、利穎怡等字眼,足以可見各女主持吸引力非凡。《東張西望》綜合收視有23點,可能有一小部分都係呢班「女神」嘅功勞,但是,「女神」的鏡頭背後,你又知唔知佢哋花咗幾多心機呢?

《東張西望》昨日舉行三千集慶功,台前幕後及高層余詠珊、杜之克亦有出席。

利穎怡(Joan)在加拿大多倫多大學畢業後,返港入讀無綫藝訓班。2015年就加入了《東張西望》成為外景主持,至今已工作了接近3年。如今她鏡頭前對答自如,其實當初為了主持工作下過不少苦功。「我其實中文唔係好好。其實呢件事應該冇人知,記得頭半年入嚟《東張西望》嗰時,錄旁白嘅時候,我已經錄左一半,然之後個導演叫我出嚟,叫我唔使再錄。後來搵咗第二個人錄,因為我錄得太差。嗰陣我冇出聲,之後就匿埋喺廁所喊。我真係好傷心,因為我真係好努力,嗰時仲有諗過放棄唔做。」

利穎怡試過採訪愛在街頭餵食老鼠的女人,當時她表示非常害怕。

【東張西望】直擊婦人餵坑渠老鼠 靚女主持利穎怡:我真係好驚

【東張西望】魏韻芝唔做律師做主持:唔想成世困喺律師樓

《東張西望》訪問的人千奇百趣,利穎怡亦訪問過自認可以幫人增高10cm的僧人。

利穎怡(Joan):「我嗰時喺度諗係咪因為我中文唔好呢?」後來利穎怡經前提點之後,就開始着手改善自己的口才。「我每日搭車都有個幾鐘時間,所以每日就係不停咁『讀報紙』。後來有一次去報道天災嘅時候,唔知係咪因為覺得我『好博』,之後先至慢慢接受我,後來先再俾我去做『天災人禍』類別嘅報道。不過到宜家我錄旁白仲會『爭啲啲』,錄旁白嗰時佢哋仲會話:『佢係鬼妹讀唔到嗰隻字。』」當然,利穎怡後尾梗係越做越好啦。

魏韻芝有律師唔做,反而去選港姐,之後再成為《東張西望》主持。

另一個女主持魏韵芝(Joyce)加入《東張西望》約年半,原來她也有相同經歷。「我做咗一年幾,其實有10個月我都唔使錄旁白。之後我拍『港生活港享受』,我喺嗰度練咗10個月左右,佢一個月前先俾我錄返個旁白。」

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。