【流氓大亨‧大結局】七分鐘獨腳戲一take過 萬梓良功力真係超班

撰文:
最後更新日期:

《流氓大亨》今晚大結局喇!大家一定要開電視機睇精彩片段,事關今晚會有萬梓良七分鐘的獨腳戲,就係佢大嗌「So what!」這個經典畫面。之前已經講到,這幕戲是由萬梓良自己親自度劇本,而且是一take過拍攝,即是這長達長分鐘的獨角戲要由他自己由頭帶到落尾,一個斷鏡都唔會有,無返咁上下功力都真係做唔到,萬子你係得嘅!

呢幕戲好精彩,睇連環圖都feel到佢嘅演技。

一個人做足成場戲,唔容易。(電視畫面)

+45
+44
+43

【流氓大亨】羅青浩做細佬又俾萬梓良真打 亞視經典劇套套有佢份

【流氓大亨】萬梓良失控真打吳啟華 個種真實感真係拍唔到

【流氓大亨】萬梓良霸氣個性寫血衣投訴TVB 結婚仲有星爺做伴郎

【流氓大亨】Do姐拍劇拍電影都要係一姐 後生出名捱得又專業

早排鄭裕玲Do姐在電台中的節目也提及過,萬子這幕高水準的戲份,只需要2 take就搞掂收工,足以顯出萬子入戲的程度,唔需要不停ng就可以完成。睇吓Do姐點樣讚賞萬子:

仲有《流氓大亨》個ending真係要俾返個credit萬梓良,因為嗰場戲係佢寫,我哋傾過好多ending,因為好多人有反應所以一定要好,咁有次收工已經2am喇,我就緊係返屋企瞓覺,佢就開夜車寫劇本寫到天光。我都唔係點好過,佢六點幾就打俾我,問我可唔可以早啲返,咁我暈鬼咗喺度㗎喇(戲中),無反應,佢話可唔可以聽佢做一次,要返去清水灣,就咁電話得唔得呀?唔得,要現場聽一次。佢真係一個好好嘅演員,聲淚俱下,做得好好,不過好彩佢俾我現場聽一次,如果現場第一次聽,我真係會喊,但我昏迷㗎嘛唔可以有聲。嗰場一開全場靜晒,無人夠膽有聲,連打燈平時好嘈都無聲,佢喺度蘊釀情緒,我就最好喇,喺度瞓渣嘛,真係瞓著咗。突然之間有個人好大聲咁so what,我就知拍緊,成場戲頂多take 2就得咗。
電台節目《口水多過浪花》

好想再重溫萬子當年嘅劇集,希望無綫會播喇!(電視畫面)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。