【南方有喬木】陳偉霆沖涼曬肌逼爆Mon　粉絲惡搞花式擦背超Enjoy

紅到發紫的「的士陳」陳偉霆，萬眾期待的新劇《南方有喬木》一上即收視爆紅，飾演飛行學員時樾的他，近日一幕長達一分鐘的沖涼片，大晒強勁臂彎﹑六舊腹肌﹑睇到一班女粉絲流晒口水。正正難得肌肉逼爆鏡頭，就有粉絲DIY邊睇邊惡搞他幫他來個花式擦背，搞到他都抱怨：「能搓一下别的嗎？」，意外地又成為話題。

William飾演的時樾一開始就來個大放送，在浴室沖涼鏡頭竟然拍足一分多鐘，邊淋水邊大晒肌肉，背肌﹑二頭肌﹑胸肌…一覽無遺，睇到鏡頭前的女粉絲熱血沸騰，更為了紀念這一幕竟然想得出各種同偶像互動，隔著鏡頭為他來個花式擦背，共享這一刻快樂時光。

粉絲創意超了得，在William背對鏡頭的時候，她手戴綠色手套為他擦背；當他擰頭的時候，粉絲就為他噴上沐浴乳；又用肥皂拖地板為他擦背，十分搞笑，最令人笑到喊的是點蠟燭拔罐，成個晝面睇落去他十分享受，完全零違和感。眼見大家瘋狂自創為他擦背，William都抱怨：「別在搓我的背了，從昨天都搓到今天了，有意義嗎？能搓一下別的嗎？」就因為他一句「能搓一下別的嗎？」搞到粉絲又有好多想法，甚至於唔介意一齊沖涼添，超搞笑。

另外，William在這一部戲中不乏打戲，原來唔講唔知他是好享受打的：「其實我自己是很喜歡拍打戲的，這個戲打戲方面是非常過癮的，我覺得拍不夠。」見他打得狠勁，為了在鏡頭前睇得打到逼真啲，事前更教要打他的人狠心打，如何打等，超敬業又有創造力的精神，獲得不少人讚許。