【尋秦記】林峯隔18年繼續做秦始皇 到底仲有冇江華份？
撰文：林迅景
出版：更新：
林峯夥拍古天樂拍攝《尋秦記》，相信唔止係林峯同古仔嘅粉絲興奮，就連一眾睇過電視劇《尋秦記》嘅觀眾都無比雀躍。當年古仔更是憑著「項少龍」一角奪得2001年「視帝」寶座。林峯接受《香港01》訪問説：「大家都好期待，就連我自己都好期待，因為呢個係大家嘅集體回憶，我相信會有surprice。因為經過咁多年再演同一個角色。」
林峯昨晚出席Loro Piana活動。（陳順禎攝）
睇返林峯以前佢做秦始皇個樣，真係咩回憶都返晒你。（網上圖片）
林峯：「其實阿古幾年前已經同我講，因為個創作時間好漫長，最緊要係個劇本。以我所知個劇本都寫左幾年。我都係《尋秦記》小說嘅fans，其實我都想知會唔會開。不過當我未問佢嘅時候，阿古已經搵我傾計。」另外當電影《尋秦記》宣布開拍的時候，很多網友都會問：「會唔會搵埋江華？」林峰回答提問時笑說：「哈哈，呢啲你問阿古吖，佢係老細。」
過去的「影視博覽會」中，就公佈了《神探大戰》開拍的消息，與2007年上映，由杜琪峰拍攝的《神探》戲名甚為相似。不少人都認為《神探大戰》是《神探》的續集。林峯接受《香港01》訪問説：「好老實講，導演到宜家仲改緊劇本。其實導演搵我拍嘅時候，我都係咁諗。因為又有青雲吖嘛。不過我覺得係咪續集，其實唔重要。因為電影都未必要有續集，可以有全新故仔都得。其實只要可以同青雲哥合作，佢已經好開心。
林峯同古仔套《尋秦記》真係萬眾期待。（陳順禎攝）