【蝸居宅急變】岑應又有新搞作 亂屋太造作觀眾評價兩極

撰文:
最後更新日期:
有小朋友,屋企亂都預咗,但身為父母兩年唔執屋又真係講唔過,難怪網民會覺得似做戲。(影片截圖)
無綫新節目《蝸居宅急變》找來家居達人幫手改造斗室,節目昨晚播出第一集,但唔少網民睇完之後都出現了「黑人問號」,先指節目中的家居創意達人Queenie(陳莉敏)身分奇怪,她向來被認之為美容達人,早年拍攝《盛女》系列時,被定位為兩性愛情專家,如今因為家居節目又多了一個家居創意達人的稱號,難怪觀眾睇完會覺得欠缺說服力。
節目監製張志表示改造費用有贊助,Queenie在淘寶買回來的家庭用品則由節目出錢,個案中的主人翁會否因「免費改造」而變得易話為?他說首先也要主人翁唔怕公開自己蝸居有幾亂。(影片截圖)
另外,亦有網民對於節目首宗個宗的年輕夫婦「兩年唔執屋」過份誇張,更指蝸居的所有物件清走後,牆身看得出頗為白淨,認為節目似乎刻意塑造出「亂」的感覺……此外,看到家中的物件被全數清走,兩婦夫亦似乎沒有太多意見,除了與節目中不時強調的難捨難離有所出入之外,亦有網民笑指「有人免費幫你執屋,還會有意見嗎?」。而最令網友笑爆的是連玄學家都出動埋,一句「間屋亂對運氣唔好,就連放置風水物品都會變成雜物」唔知有無幫到大家長知識?
Queenie在YouTube頻道中有教人扮貪、旅遊、淘寶……要做埋家居創意達人其實唔難。(網上圖片)
對於網民的種種質疑,節目監製張志明(B哥)接受訪問時就話:「節目籌備了一年多時間,唔係一氣呵成咁拍晒,除了搵贊助之外,亦都都要找個案,呢部分係最難,所有主人翁拍攝前都會知道我哋會點做、同接受我哋幫佢丟東西,我都有睇討論區留言,講真,造假咪仲難,我哋真係有足夠時間去拍攝,有就拍,所以無需要話整亂間屋。」張志明之後亦透露Queenie早已是家居創意達人,並設有個人網頁,更大讚她能將地拖變Dior:「佢間中會買貴嘢,在連卡佛看到的東西,會到鴨寮街找近似的物料DIY,我請她早在一年多前已籌備。」


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。