【星光大道】細細粒為節目才藝盡出 宣布奪冠後反應竟然係……

撰文:鄺鈺瑩
出版:更新:
以細細粒身形可以做出以下動作,其實都算幾勁。

細細粒(陳嘉佳)自從簽約王祖藍公司後,頻頻現身內地各類綜藝節目,日前她又飛到北京為央視的《星光大道》與一眾內地素人進行才藝對決。雖然錄影當日細細粒狀態唔係咁好,但憑其十八般舞藝掌握現場氣氛,最終與另一位內地精英齊齊成為一周冠軍。不過,當主持人宣布結果時,細細粒都似乎唔係太相信自己嘅耳朵,呆足一分鐘,要旁邊嘅選手提佢先「回魂」並一秒爆喊。

對於自己得到冠軍,細細粒都話幕後團隊係係最大功功臣。「因為今次我同工作團隊付出咗好多努力,我哋除咗排練咗好多個鐘,又度咗好多嘢希望可以做得更好。」

對於自己奪冠一事,小寶就話都幾難以置信:「雖然我真係好努力練咗好耐,但因為又要講國語又要好短時間內換衫好緊張,加上個個都臥虎藏龍,所以我真心係冇諗過有獎攞。」問到整個比賽中最難忘環節,細細粒笑言是與內地高手「舞鬥」部分:「首先嗰個環節嘅現場氣氛好好啦,同埋你哋咪睇我肥嘟嘟,我又真係幾靈活㗎喎,拉筋同埋係咁轉圈都難唔倒我,評判都有讚我話我咁都仲保持到燦爛笑容好可愛,有機會係喺嗰個環節加分嘅!」
 

一個節目扮完韓紅又扮小鳳姐,細細粒都算用心良苦。

表面上,細細粒成日都係食同食,但其實佢每次參加綜藝節目前,都做足準備,除今次佢練歌練通宵外,日前佢參加另一個內地節目《喜劇之王》時,再以韓紅造型上陣的她,一出場就先整首《絨花》及《LET IT GO》,之後再以小鳳姐造型,唱出《上海灘》、《紅日》等廣東經典歌,不過,最令觀眾震撼嘅係佢大跳BEYONCE嘅《CRAZY IN LOVE》再使出「電臀舞」,呢啲真係唔係即場執生就做到。
 

+1