【蝸居宅急變】Queenie未因負評感不快：我放下身段全心全力去做
撰文：鄺鈺瑩
出版：更新：
無綫編審岑應曾負責過《求愛大作戰》、《盛女愛作戰》、《有樓萬事足》等節目，每次都成功令到大家一齊邊睇邊鬧，今次《蝸居》亦不例外。（TungStar圖片)
無綫一連五集嘅《蝸居宅急變》成功製造出不少話題，由最先的斷捨離、去到中段的Cheap but Stylish到最後用30年舊樓局部翻新，相信要數討論度最高的，一定係烈豔紅唇粉紅博物館。節目出街之後，網友喪笑Queenie成功打造出「一樓一」感覺，就連男戶主都忍唔係透過fb表示︰「我老婆係鍾意淡粉紅而唔係桃紅囉﹗佢哋根本買錯哂顏色……」更坦言屋企經過粉飾後，確係充滿一樓一的味道，並補充︰「屋企嘅佈置方面我會再行處理。」
節目首宗個安的年輕夫婦，由於間屋只得一條活路，令到唔少網友都覺得節目為效果而添亂。（影片截圖）
【蝸居宅急變】用舊樓突顯翻新效果勁低招 廁所變溫室意義何在？
對於節目劣評如潮甚至係出現色差等問題，身為審編的應岑就透過Whatsapp表示：「多謝關注，唔好意思，我唔回應了。再次感謝你們連日關注及報導。」問到Queenie有否因而感到不快，應岑就表示「應該無嘢啩」，至於監製張志明（B哥）電話直接飛往留言信箱。而身為核心人物的Queenie，節目播出最後一集後，就透過fb live訴心聲，除指《蝸居宅急變》不能與外國節目相比之外，更勸大家「可能抱住一個參考下的心態去睇」。
【蝸居宅急變】到底係DIY定製造垃圾？ 300呎蝸居掛鹿頭上去做乜
Queenie有解釋紙巾燈所用的都是冷光燈，唔會構成著火危機。（影片截圖）
明明話想要淡粉紅，但最後成了Queenie口中的烈豔紅唇粉紅博物館，到底係溝通有問題定有人色盲？（影片截圖）
此外，在FB 直播中，Queenie亦坦言由於時間關係，所以「我都唔滿意，得70分」，並謂自己有潔癖，但為了拍攝節目而放下身段，事事親力親為……有網友留言問Queenie會否因而感到不快，她就以「沒有不開心喔，是感動」作回覆。Queenie雖然不時話唔夠時間，但其實節目監製張志明(Ｂ哥）接受訪問時，就指《蝸居》用了一年多時間去籌備同製作，似乎唔應該出現Queenie口中所說的「比多啲時間我」。
Queenie話拍攝時無論清潔執屋定添置家具都一腳踢，希望大家抱著參考的心態去睇《蝸居》。