五月天阿信用演唱會螢幕打機好Crazy：技能鈕比人還高
撰文：洪曉璇
出版：更新：
男人無論係3歲定80歲，都一樣貪玩，由屠龍到食雞，女友們怨氣愈積愈深。鍾意打機嘅又點止身邊男士？唔少藝人都沉迷打機，好似周杰倫、林俊杰，仲有五月天。呢日阿信上載一張相，居然係用演唱會超特大螢光幕打機，仲留言話：「有人打傳說螢幕比我們還大嗎？」實在太誇張啦﹗
五月天一向童心未泯，出名貪玩。（阿信Facebook）
其實五月天幾位成員出晒名係機迷，今年元旦日林俊傑擔任佢地演唱會嘉賓時，合唱後阿信話：「時間全部交給JJ。」JJ就笑言：「我知道你們要去哪裡，全部都要去後台打『傳說對決』（手遊）對不對。」估唔到佢地打機打出名堂，引起遊戲商注意，邀請佢地擔任大使兼唱主題曲《I Will Carry You》。
演唱會舞台高度無十米都有八米，拎嚟打機真係好震撼。（阿信Facebook）
阿信呢日上載相片，見到佢用演唱會螢幕打機，笑言：「技能鈕比人還高」仲相當得戚地留言話：「有人打傳說螢幕比我們還大嗎？用演唱會的大屏幕就是狂。打遊戲打到寫主題曲，也是有點勵志啊。」仲話要徵求女士一齊打機，順道叫佢地放手俾男友一齊對戰，呢個代言人認真賣力呀。
打機打到唱主題曲，邊個夠你威？（阿信Facebook）
套路無極限的五月天，有歌迷紛紛把過去作品和新歌相互連結，意外發現原本擁有各別故事的歌曲，竟都能串連起來，像是《什麼歌》的「我擁有你 你擁有我 我carry你 你carry我」再到《I Will Carry You》的歌名。其實不只歌詞連結，當《I Will Carry You》單曲視覺釋出，有歌迷看出五位《派對動物》的老五月天出現在視覺海報中，讓歌迷驚呼連連：「難道是五月天宇宙嗎。」處處暗藏驚喜，串起五月天篇章，勾勒出屬於五月天宇宙。
《派對動物》中嘅老五月天又再出現，唔通又係平衡時空？（網上圖片）