【飛虎之潛行極戰】吳卓羲仲有邊種警察未演過？　佢親自解答...

不少香港藝人說起普通話時都帶給人很多歡樂，像古天樂、陳錦鴻、張家輝、陳豪等。今日（5月7日）吳卓羲出席《飛虎之潛行極戰》記者會時亦多以普通話回答訪問。比起上述前輩的國語，吳卓羲說得相較流利，起碼十有八九聽得明。

對於有網民以藝人的國語發音取樂，他說：「又唔好咁笑人，好似我入咗行去到國內拍戲先接觸多咗國語，同埋工作人員、助手會教下我點樣講，而自己都希望國內拍劇集時係自己用國語講對白，所以會去學去講。我嘅國語還可以啦。」

口說自己的國語還可以，但提到早前他與黃宗澤一同參與內地人氣綜藝節目《快樂大本營》的事，他就說：「挑戰就大喇！」特別是一些即席發揮的演說環節：「有個環節係要講故事，俾幾條題你，人哋講完嘅時候你要接住落，但又要跟住指定嘅詞語去接，對我嚟講用國語去講就有難度囉。不過係個輕鬆搞笑節目，所以我覺得講得好唔好都無咩所謂嘅。」

至於最近有網民統合吳卓羲多年來飾演過的警務人員，誇張地指他幾乎扮齊了所有職位，他回應說自己也有留意到，更開玩笑道：「咁又唔係做齊晒嘅，網民check得唔係好清楚，我仲有交通警同水警係未做。我覺得都要有演員去代表下警察，因為警察有唔同部門，而佢哋工作好辛苦，我覺得能夠代表到佢哋都係件好事，係個正氣角色嘅話我覺得都無咩所謂。」

【飛虎之潛行極戰】王敏奕無懼動作戲受傷：拍打戲無傷就唔有型啦

【飛虎之潛行極戰】何佩瑜拍劇初體驗　望再接再厲與吳卓羲續前緣

【飛虎之潛行極戰】雪兒再拍《尋秦記》：睇下古天樂會唔會搵我啦