【棟仁.專訪】賴慰玲結婚生仔大過天 買唔買樓擺唔擺酒都係次要

撰文:
最後更新日期:

「想就做,無嘢阻到你。」(梁碧玲攝)

【結婚打大佬:外母】

據政府統計處於2018年1月15日出版的《1991年至2016年香港的結婚及離婚趨勢》顯示,男性和女性首次結婚的年齡中位數於2016年已上升至31.4歲和29.4歲。2018年,遲婚現象定會更趨普遍,年齡中位數定會有增無減。

作為一個過多幾年便達「首次結婚年齡中位數」的男性,對於結婚,當然首先你要有個女朋友,然後就算女朋友不介意你收入低、無父幹、未有車又未有樓,但伯母呢?看過盧宛茵的《公屋●居屋●私樓》、看過《逆緣》的上海婆徐家媛(馬海倫飾)與賀永年(黎耀祥飾),坦白說,有壓力。偏偏,賴慰玲與男友未置業,甚至未結婚,但先生B。

「(借問聲當初你丈夫點過到未來岳母嗰關?聽聞最後婚禮、酒席都好似……)完全無問題,因為我家族好大,一拜年可有五、六十人,每個都係廿幾歲結婚生仔,我已經去到30歲,所以對佢哋係:『仲未結婚生仔?』當我話有咗喇,佢哋會話:『哎,咁就好喇。』

「同埋擺酒係為咗長輩,咁我真係唔想喎,又唔想太攰,加上我好唔鐘意擺酒時有9成人我都無同佢哋傾過偈,所以寧願人少少只係屋企人食餐飯,跟住對其他朋友就話:『我結咗婚喇,不如出嚟食個飯啦。』或者依家生咗小朋友就:『喂,不如一齊嚟睇下BB啦。』我會鍾意係咁囉。」賴慰玲說。

結婚最梗要新人開心,其他諗咁多做乜?(IG相)

【擺酒為邊個?】

話雖如此,但作為男士怎也擔心連酒席也不擺,外家會有「意見」,因此就算明知擺酒只是往長輩面上貼金,也情願花費這一筆錢(說到底或者只是男性自尊心作祟)。

賴慰玲說:「都係架,所以佢(老公)會不斷問我你有啲咩想做、想要,例如使唔使上頭?咁我就問我阿媽,佢話上咁我咪上囉;使唔使過大禮?阿媽話過咁咪過囉。有要求就出聲,有咩想做就做,咁就得架喇!反而唔好諗有咩唔想做,咁樣成件事會搞到唔開心。」就似佛偈,嗒落有智慧。

【棟仁.專訪】賴慰玲直腸直肚唔怕得罪方丈:我原意都係為件事啫

【棟仁.專訪】賴慰玲拒當虎媽 但難免被牽著鼻子耳濡目染

+3
+2

至於置業問題。「買樓?日日都咁諗架啦!我都係個蟻民,想買樓又買唔起,一直都係租樓交緊租,所以有陣時咪就係睇你幾想做嗰件事囉。如果你真係想結婚生仔,其他嘢唔會阻到你,當呢啲嘢阻到你嘅時候就係籍口。如果阻唔到時,咁就係你真正想做嘅嘢。」聽完賴慰玲這樣說,巴絲們有勇氣了嗎?膊頭輕了嗎?想成家了嗎?

咩係樓?看開了便如浮雲。(梁碧玲攝)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。