【開心速遞】馬貫東謝芷倫熒幕情侶檔出席活動:個個都想我哋拍拖

撰文:
最後更新日期:

《愛 ‧ 回家之開心速遞》演員馬貫東( Mark )與謝芷倫( Jan ),今日首次以熒幕情侶檔身份出席活動,二人現場大派親手整嘅「愛心三文治」給途人一份「愛」嘅祝福。講到今次情侶檔出活動,酬勞方面係咪好好呢?二人回答:「都唔錯,好合理,都好開心。」

馬貫東與謝芷倫今日首次以情侶檔身份出席活動。(陳順禎攝)

《愛.回家之開心速遞》係TVB人氣處境喜劇,二人在劇中飾演情侶,深受觀眾歡迎,其實 Jan 都會留意網友對佢嘅評價,Jan說:「我有經常留意網友對我哋嘅評價同反應,睇下有咩可以改善,(但見到有人批評會唔會唔開心?)又唔會,唔會影響得自己太犀利,自己會再做得更好。」至於 Mark 則說自己平時好少留意網上評論,通常都係聽番朋友嘅意見。

二人今日現場更大派愛心三明治。(陳順禎攝。)

而二人熒幕情侶形象深入民心,對於大家會唔會誤會佢哋現實生活都係一對呢?對於呢個問題,大家都好想佢哋真係發展成為情侶,Mark回應:「大家都好想我哋係情侶,但其實唔係,如果每拍一套劇大家都會變成情侶咪好唔得閒。」但其實唔講唔知大家知唔知Mark本身有女朋友呢?

Jan透露至今仲係單身,各位男士仲有機會呀!(陳順禎攝。)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。