【深宮計】馬浚偉指今次對白好深 胡定欣:配音時心諗點會記到

撰文:賴家杰
出版:更新:

《宮心計2深宮計》呢晚首播,一衆主要演員相約一齊睇首播,包括:胡定欣、劉心悠、馬浚偉、馬國明、蕭正楠、黃心穎等半百藝員都有出席。馬浚偉及胡定欣更表示已經急不及待想睇大家嘅成果:「其實上年大家都辛苦咗5個幾月,想知岀嚟成果係點,中間更有段時間上咗橫店,橫店一係落雨,一係就好熱,其實真係好辛苦。」

《宮心計2深宮計》首播,一衆主演演員相約一齊睇首播。(吳子生攝)

但古裝劇嚟講最辛苦莫過於背台詞,其實係咪都會考起兩位呢,定欣就話:「我哋配音時已經感受到,我望住電視機已經心諗,我哋點會記到同講到出嚟,對白嚟講真係對我哋好大挑戰。」馬仔更講到今次對白雖然深但大家會明白:「反而自己好期待今次觀眾睇到我哋嘅製作,跟以前TVB一貫嘅拍攝方法係會唔同。」

【深宮計】周秀娜被無綫封殺宣傳冇影 連官方Trailer都無份出鏡【深宮計】胡定欣飾演皇后係好時機:個人大咗又成熟咗

馬仔同定欣講到今次背台詞真係好大挑戰。(吳子生攝)

胡定欣近幾個月一直都忙於拍劇同綵排舞台劇,對於熱愛運動嘅佢因為太忙而冇時間做操練係一種痛苦。日前定欣就喺自己社交平台,講到自己兩個月來冇做運動,相中仲見到她大曬腹肌,定欣對於大家咁熱烈支持佢嘅腹肌都深表多謝:「兩個月無時間做運動,所以今日教練都捉住我講好耐冇見,要快少少返嚟訓練,因為自己都希望抽時間做多少少運動應付舞台劇嘅演出。」在旁嘅馬仔更笑住講定欣操到咁Fit,打算再加重佢工作量。

胡定欣喺社交網站大曬腹肌,話兩個月冇做運動啦。(IG圖片)
你可能感興趣