【美女廚房】蕭正楠錯怪黃翠如煮飯差 有港姐仲離譜:喺廚房癲咗

撰文:
最後更新日期:

18位「美女學徒」都咁靚,唔知黃翠如會唔會呷醋呢(陳順禎攝)

《美女廚房》新一輯將於6月2日首播,係咪又興奮又期待呢?今次節目玩法與以往舊幾輯亦都差不多,一樣有女藝人上陣炮製美食。不過不同的是,男主持方面就換了全新班底,改由林盛斌(Bob)、蕭正楠以及張振朗上場做「白老鼠」試食。今日《美女廚房》美女學徒首登場的記者會上,蕭正楠以及張振朗接受了《香港01》訪問。2位談到試食環節時,都表示「一額汗」,蕭正楠更說:「分生熟嗰下真係大獲,要我哋食生嘢呢,真係攞我哋條命。」

+13
+12
+11

想睇18位美女學徒的話,可以click呢度:
【美女廚房】一文睇晒5位素人美女 打碟DJ洛兒隨時係全場最靚

今次Kelly伍樂怡都有份做「美女學徒」。(陳順禎攝)

蕭正楠、張振朗續說:「蕭正楠:我寧願啲嘢食燶嘅就唔好生囉。張振朗:唔好跣我哋囉,燶燶哋可以倒咗吖嘛,生生哋食落去唔知生熟㗎嘛。(寧願食燶到成舊炭咁定全生嘅?)蕭正楠、張振朗:食燶嘢!燶嘢都係致癌嗜,哈哈哈。燶嘅可以用筷子夾走吖嘛,起碼熟咗先會燶㗎嘛。」

唔知蕭正楠口中講緊嘅係邊位香港小姐呢?(陳順禎攝)

蕭正楠講到咁怕食生嘢,如果係女朋友黃翠如煮生嘢俾佢食,又會點呢?蕭正楠說:「做完呢個節目,我發覺我錯怪咗佢,我鄭重同你講對唔住,原來你煮嘢食係唔錯嘅。我都冇諗過咁多女藝人直情係離諳㗎,直頭係亂嚟。你見佢平時拍戲好優雅好靚,佢喺個廚房係癲咗。(係邊個?)唔講得㗎,要出咗街先知。(形容下?)選過港姐,合作過嘅。(最近幾屆?)係最近幾屆嘅。」拍過劇,又同蕭正楠合作過,還要是最近幾屆的香港小姐。到底係黃心穎、朱晨麗、陳凱琳定劉佩玥呢?



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。