【美女廚房】美女學徒程美段Kiwi形象百變 影過藝術全祼寫真

撰文:
最後更新日期:

內容刺激咗少少,老細要求要略加裁剪。(網上圖片)

《美女廚房》上週六(2日)首集開播,明言是美女廚房,觀看重點就當然是一大班美女。不過今輯登場的女嘉賓名單尚未正式出爐,所以節目前大家焦點仍舊放在一班青春無敵的「美女學徒」身上。上次記者會後就為大家分別介紹了「素人組」以及「TVB組」的「美女學徒」,但原來仲有幾位漏網之魚值得深入介紹一下,就例如是Kiwi(程美段)。

雖然冇乜人識,其實Kiwi都幾上鏡㗎。(黃國立攝)

「美女學徒」之一的程美段(Kiwi)是土生土長的香港人,唯一與大家有少少不同的就是她是中菲混血兒。「爸爸係香港人,媽媽就係菲律賓人。」現時還是就讀醫科的求學階段。程美段(Kiwi)接受《香港01》訪問時說:「其實我好多嘢都會做,平時興趣就係打羽毛球、游水、行山,好多都鍾意做,不過宜家就多數宅喺屋企或者落gym room做gym。同埋我鍾意去旅行,同埋會影下相,其實我自己都好鍾意影相同唱歌。旅行嘅話,比起食嘢買嘢,我係比較鍾意去荒山野嶺體驗大自然,我特別鍾意去一啲難去啲又靚嘅地方影相。」

記得睇靚相:

+32
+31
+30

講到自己鍾意去荒山野嶺影相,其實Kiwi本身都不弱,她除了喜歡拍自然風景外,更有不少是當模特兒。「嗰幾張相就係我一個好fd嘅攝影師幫我影。佢本物都係一個好專業嘅攝影師,所以我好相信佢嘅專業,同埋我都唔係個個攝影師都俾佢咁影,都係得佢一個。有張係個石澗度影嘅,又有啲係喺廢墟影嘅。其實我都係想影靚相,我係鍾意藝術啲嘅相,總之影出嚟靚,又唔會focus咗喺其他嘢度。(點解影全祼?)因為都睇返個環境,同埋張相出嚟嘅效果,成個造型上,所以跟返個構圖直頭唔著就容易啲夾返件事。」

隻貓真係好幸福。(Instagram圖片)

Kiwi又鍾意影相,又係混血兒,又鍾意運動游水,係咪好吸引呢?其實她還是單身的。「我自己係鍾意啲乖啲嘅男仔,同埋一齊嘅時候可以做返自己,唔會在意人哋目光又唔會太大男人嘅。另外就係同其他女仔一樣,識照顧自己、對我好。」問到會否打算向電視圈發展時,她說:「都唔抗拒嘅,其實拍《美女廚房》都係好好嘅經驗,我細細個都有睇,所以今次都好開心可以玩埋一份。」真係要落足眼力留意她在《美女廚房》的表現。

隻貓好可愛。(Instagram圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。