【美女廚房】美女學徒TVB代表精選 王卓淇識「食雞」係完美女友
《美女廚房》6月2日就開播，雖然不少觀眾都將焦點放在誰是節目女嘉賓上。不過節目尚未出街，網民重點就當然是放在了一眾「美女學徒」身上，一班「美女學徒」著住小短裙出席活動時，就引來了過百龍友到場。早前就為大家介紹了5位素人「美女學徒」，今次就當然要介紹下有主場之利嘅TVB「美女學徒」啦，比起嚟真係一啲都唔輸蝕。
未睇上集素人「美女學徒」，可以睇返呢度：【美女廚房】一文睇晒5位素人美女 打碟DJ洛兒隨時係全場最靚
1：伍樂怡（Kelly）
伍樂怡（Kelly）參選2017年度香港小姐競選前是一名人力資源文員。雖然選美時並沒有獲得任何名次，但是Kelly由第一輪面試至最後5強時一直都以大熱姿態由頭帶到落尾。競選後不少網民更因Kelly落選而質疑TVB的評選準則，決賽第2天，網民更封了Kelly為「民選冠軍」，其後Kelly的千字感謝文更獲網民一致好評。不過，講多無謂，睇相就最實際，Kelly真係甚有氣質。
對Kelly有興趣嘅朋友請按此：伍樂怡成TVB親生女 最想拍動作劇：自問好忍得痛
２：單文柔（Phoebe／柔柔）
單文柔（Phoebe／柔柔）算是18位「美女學徒」中較多被提及的一位，並不是因她身材出眾、樣貌甜美又或者家底好（雖然呢啲都係事實），而是因為單文柔是陳展鵬的女朋友而常被起。雖然柔柔已被影到與陳展鵬一齊行街，但是近日男方還是鮮少提到女方，唔知呢對「緋聞情侶」幾時先會開花結果呢？說回關於柔柔的事，原來她是2016年香港小姐的落選港姐之一，同年就加入了TVB藝員訓練班，也有在TVB兒童節目《Big Big小明星》出現過，現時主要在《安樂窩》《今期流行》《猩猩補習班》出現。
重溫關於單文柔的新聞：【一夜成名】單文柔被網上攻擊 IG留言數二百倍增長
３：魏韵芝（Joyce）
魏韵芝（Joyce）對大家來說真是一點都不陌生，因為每逢星期一至五晚上的《東張西望》都可以見到Joyce的出現。Joyce同樣來至2016年香港小姐落選小姐的行列，雖然劇集中的出鏡率不多，但是亦屬網民追捧及討論對象之一。魏韵芝（Joyce）並不只有樣貌勝出，她其實出生富裕家庭，在倫敦經濟政治學院取得法學專業證書之後更做過律師，簡直是美貌與智慧的代表。
魏韵芝相關文章：富貴港姐魏韵芝棄律師參選 不怕捱幾千月薪：要看個人生活態度
想知佢有幾靚？睇下面圖輯就知。
４：王卓淇（Erin）
俗語話，搵女朋友一定要搵個識打機，相信各位都好認同呢個講法。尤其是現在流行「食雞」，如果女朋友無時無刻可以陪到自己「食雞」，肚仔餓嘅時候又可以煮個面俾自己食，咁就完美啦。如果大家曾經FF過，又或者經常地FF呢個畫面的話，「美女學徒」王卓淇（Erin）就肯定滿足晒大家嘅要求，再加上甜到漏的外表、「眼鏡娘」的屬性，打起機「食雞」就更加得心應手啦。王卓淇除了會在「美女廚房」出現，還在《宮心計2深宮計》中飾演司製房掌製「趙秋葵」一角，到時記得落足眼力。
王卓淇跳舞仲好叻㗎：馮盈盈江嘉敏王卓淇Kpop女團 少女味出晒嚟
５：陳詩欣（Eunice）
Last but not least，第5位當然要提一提陳詩欣（Eunice），有留意《3日2夜》的各位應該會對她有點印象。陳詩欣早前與鄭衍峰到阿爾巴尼亞拍攝新一輯《3日2夜》，還有就是於TVB J2娛樂新聞台中作為主持出現。除之TVB的工作外，陳詩欣（Eunice）更是模特兒兼歌手，又是Supergirls的同公司師妹。不過網民總是現實的，相比起她的日常工作，網民似乎比較喜愛她平日的Instagram上放的福利照。
陳詩欣（Eunice）專訪（呢度都有靚相）：【3日2夜．專訪】陳詩欣做TVB主播6個月：目標最想阿姐噏到我個名