【美女廚房】第2集女嘉賓係邊個？ 阿Bob：將有恐佈嘅事情發生
撰文：林迅景
出版：更新：
其實第1集都唔係太差。（電視截圖）
《美女廚房》首集可謂是負評如潮，主持之一的阿Bob更成為眾矢之的。平心而論，只怪上一輯太成功之故，在於經典比較之下，當然會令大家大失望。來到今晚（6月9日）第2集的《美女廚房》，似乎更能成為觀眾「罷睇」與否的指標。阿Bob接受《香港01》訪問時也說：「第二集錄影嘅時候，各方面都盡力改善彌補之前嘅不足，希望之後再做好啲。」
阿Bob話第2集有恐怖事，究竟係咩事？（電視截圖）
看畢第1集《美女廚房》，可能會有觀眾說女嘉賓與主持間的互動不好笑，阿Bob亦解釋道：「其實第1集嘅3位美女嘅廚藝都幾好，所以真係冇乜可以取笑佢哋嘅地方。」說起第1集播出後的反應，阿Bob也表示其實是預料之內，自己表現仍有不足之處。「之前一輯實在太經典，可能因為呢個原因，我哋都有一定程度嘅壓力，以致表現得好拘緊、未夠盡，所以冇乜特別嘅笑位。好好彩有農夫同洪永城幫手搞氣氛，辛苦晒佢哋。」
不如大家睇下相，估下係邊3個女嘉賓。
+7
至於今輯會否有3位前《美女廚房》主持人登場，阿Bob回答說：「當然期待可以請到小方上嚟啦，不過佢呢排好忙，希望後面嘅集數可以邀請到佢上嚟。放心喎，今輯啲奶真㗎啦，哈哈哈！（《美女廚房》個前製作人Wilson讚你做得好喎。）好多謝 Wilson 對我嘅嘉許，自問自己第一集嘅表現一般，實在有太多進步同改善嘅空間，我會努力嘗試，希望可以做到上一輯主持們咁卓越嘅表現，我一定會虛心學習，盡力加油。」不過，到底第二集會有乜好睇呢？阿Bob就表示這是一個驚喜。「第一集嘅三位美女嘅廚藝都幾好，所以真係唔太多可以取笑佢哋嘅地方，第二集將會有啲幾恐佈嘅事情發生，到時會俾到觀眾們驚喜，大家今晚睇就知㗎啦。」