【美女廚房】唔好罷睇第二集更精彩 張振朗:有人比陳凱琳更地獄

撰文:林迅景
出版:更新:
好期待第2集。(電視截圖)

《美女廚房》第2集(6月8日)今晚就有,在這個8號的晚上,相信大家都已經「擔定櫈仔」笑足一晚。之但係,如果有人打算「罷睇」的話,就可能會有損失。事關眾位主持亦明言第2集比第1集玩得更放、窒人窒得更盡、女嘉賓亦更理所當然地更加地獄廚神。唔睇,又好似真係自己損失喎。

張振朗啲表情都幾好笑。(資料圖片)

張振朗接受《香港01》訪問時說:「我覺得《美女廚房》係一個經典。從來經典都係超越唔到,經典係用嚟擺喺個心入面,所以我哋做嘅時候係想做出一個我哋3個嘅《美女廚房》,同埋最緊要想觀眾開心笑下。」第1集負評多到嚇死人,所以大家都很關注第2集的表現。張振朗:「我哋都有睇網上評價,可以第1集嘅時候唔夠自然,點樣去笑下啲女嘉賓,呢樣嘢可能就係大家鍾意想睇嘅嘢。我哋第1集係錫佢哋多啲,但係第2集我哋就有改善,已經多返啲位幽默下女嘉賓嘅廚藝。我自己覺得第2集都幾好笑㗎,好希望大家俾多少少時間個節目磨合一下。」

+5

第1集播出之後,其實網上有不少言論都希望蕭有3位主持回歸《美女廚房》。雖然照睇TVB都唔會換主持,不過話唔埋有可能做嘉賓?「如果小方佢哋肯返嚟就梗係好啦,我諗好多人都想睇到佢,其實公司都可以同佢傾緊都唔出奇。」問到第2集有甚麼焦點,張振朗透露:「第2集我夠膽講會有一個比陳凱琳更地獄嘅廚神出現,我都估唔到呢個世界上有人煮嘢食可以地獄得咁緊要。」