江若琳婚紗相曝光　明踩Oscar表現唔合格：佢對住鏡頭好怕醜！

即將與「生煎皇」Oscar（蕭潤邦）拉埋天窗的江若琳（Elanne），早前她為婚紗店代言。過往Elanne因為工作關係曾與多位藝人（如王浩信、蕭正楠）影婚紗照，不過今次她終於可以「公器私用」，因為今次的代言拍檔正正就是她的如意郎君Oscar。

心情興奮的Elanne表示：「入行咁多年，拍戲、廣告，其實我大大話話著過十幾次婚紗，以前係無乜感覺，只覺得係戲服一件，今次拍擋係未來老公，終於覺得原來著住件婚紗都幾感動，同埋會好期待睇相。」

雖然未婚夫Oscar曾以模特兒身分入行，但Elanne表示Oscar應專注做生意，暗串Oscar表現不合格。「Oscar可能好多年無做幕前，縱然佢有model嘅身高，但係佢一對住鏡頭就好怕醜、唔係幾自然，所以其實今次大家揀相嘅過程唔係好困難，只要揀Oscar表情自然、無眨眼嘅就已經好快，佢都係繼續努力建立佢嘅生煎包王國啦，哈哈！」Elanne笑言。