未婚妻探班Oscar唔識扮驚喜 謝安琪田蕊妮留言力撐江若琳
撰文：史順宜
出版：更新：
歌手江若琳（Elanne）與「生煎包王」蕭潤邦（Oscar）自公開戀情後頻頻在網上放閃。二人拍拖不足一年已認定對方，早前Oscar在慶祝37歲生日時更在生日會上求婚成功，宣佈即將成家立室，得到不少圈中好友送上祝福。
最近這對未婚夫妻又在網上哂恩愛啦！事緣Oscar在昨日（3月30日）在Facebook出發文表示激嬲女友：「今天我又到海洋公園煎包，大眼妹（江若琳）突然出現我面前給我驚喜，但因為我反應不夠大，她看不出我有驚喜，所以嬲了！她真係好special，I love u」情節十足十網上熱話「十萬個激嬲女友的理由」的情節！
Oscar早前在Fb大呻激嬲女友。（網絡圖片）
未幾Oscar再發文，今次更post出他自己激嬲女友經過並謂：「就係咁，她的驚喜，加我的反應，她嬲了」
從片中所見，當時拿著手機拍攝Oscar的Elanne突然從人群中出現，並要求Oscar為她炒鍋貼，而正在專注工作的Oscar聽到Elanne的聲音後卻一臉茫然並說：「點解你嚟咗嘅？」而且更發呆兩秒。坦白說，一個男人專注為顧客煮食時，的確幾吸引，不過這個情景被他的一臉茫然打破了。連他常在訪問中稱Elanne為「小蘋果」、「大眼妹」等等這些親暱的稱呼也不用，今次真係講一百句「好special」、「I Love You」都冇用！
然而，此post一出有人留言大讚認真煎生煎包的Oscar「又真係好man好型」，不過也有不少人取笑Oscar在愛人突擊探班不懂得七情上面，表達出驚喜之情。連他們的好友謝安琪及阿田（田蕊妮）也笑言Oscar唔識交戲。
謝安琪留言表示：「大佬，今次我不幫你了，我老公真是很誇張的」
阿田則笑言：「（反應）太平淡喇！拖出去斬！」
希望經過今次Oscar真係可以再醒少少啦，不過其實佢哋都係打吓情罵悄，點會真係咁小事而嬲！