【書展2018】Rose Ma寫真取景日本「That Pool」:啲泳池水無味㗎

撰文:
最後更新日期:

啲相係靚嘅。(資料圖片)

Rose Ma(馬俊怡)向來都有電競界女神之稱,今年書展更乘勢推出個人寫真集。Rose Ma接受《香港01》訪問時表示,這次寫真拍攝希望「趁青春留倩影」,所以更不惜工本到日本取景拍攝,而她本人為了這次寫真也落力減肥為求達至理想身型。「我宜家都keep住有做Gym,影寫真前都減咗四磅㗎。不過我就覺得唔一定瘦就好,有肉地又firm都可以好正。」

Rose Ma話呢個場景最似現實中嘅佢。(資料圖片)

Rose Ma:「影寫真前一星期去2次Gym左右,都戒晒宵夜同埋飲少甜或者無糖嘢飲,同埋食小啲澱粉質,不過我都係三餐照食,哈哈。餐單方面就早餐食飽啲,脫脂奶粟米片,蛋白嗰類,中午就半碗飯或者一碗白飯,至於晚餐就真係隨意,但係就唔會油。晚餐嘅話我盡量都會8點前搞掂,同埋最鍾意食嘅甜品、McDonald's都戒埋。我影寫真嗰幾日真係完全唔敢食嘢咁濟,有時就一日食一個飯團。因為我本身好大食,所以嗰幾日真係餓到唔識餓。(又話有肉地好睇?)我都係想有少少線條。」

點解個場景好似咁熟口面嘅。(資料圖片)

Rose Ma表示,今次寫真集總共花了4天、拍攝了有超過10個場景、超過20個造型。「有啲場景仲係工作人員搵道具砌出嚟㗎,我最鍾意himono onna (乾物女)個場景,因為乾物女係完完全全我嘅寫照,同埋場景佈置真係好精細㗎。(點解會去"That Pool"影寫真?)因為想試下喺個到游水係咩感覺,哈哈哈,其實去"That Pool"影相係團隊主意。(有冇咩特別感覺?)我覺得好唔真實呀。(好多人都好奇個泳池水係咩味...)無味㗎,哈哈,你哋唔好咁多幻想啦。」

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。