【專訪】神枱級秦沛接受挑戰 演舞台劇搵滿足:有戲有力做多啲

撰文:史順宜
出版:更新:

「我唔想等到我第時冇記性,先阻住地球轉。」何時令馳騁70年影壇的秦沛如此感慨?
對一些演員而言,「演藝」是工作、職業,但對3歲便投身演藝圈的秦沛來說,「演藝」卻不單單是一份工,而是「事業」,在光影中紀錄了他各個人生階段。剛滿74歲的秦沛,於影壇馳騁70年,今年4月更獲華鼎獎頒發「中國電影終身成就獎」。獎項歸獎項,但已達「神枱級」的秦沛也有苦惱。他將在7月涉足舞台劇,對於這個陌生領域,他內心也有矛盾的地方:「舞台劇係冇NG,做得唔好可能會因為呢個舞台劇而衰哂。但如果做得好,可為我70年演藝生涯畫上完美句號。」
攝影:梁碧玲
拍攝:吳宇峰、彭嘉彬
剪接:吳宇峰
場地:Dada Bar+Lounge @The Luxe Manor

從事演藝事業70年的秦沛(Paul哥)今年7月將接受新挑戰,與劉嘉玲、謝君豪演出舞台劇《奪命証人》。這位演技實力得到大家肯定的演藝界「長青樹」雖然「身經百戰」,又曾奪「第23屆台灣金馬獎最佳男配角獎」及「第六屆香港電影金像獎最佳男配角」,但面對舞台劇的挑戰他坦言感到壓力及擔心,因為他除了在11歲那年與蕭芳芳、陳寶珠、泰廸羅賓等演過畫劇外,舞台劇可說是零經驗,所以答應出演《奪命証人》也經過毛sir(毛俊輝)及劉嘉玲的多番說服。

「我冇睇過舞台劇,我只係睇過改編電影如《Chicago》、《Lala Land》,所以今次出演真係有壓力。直至最近我去咗睇毛Sir嘅《父親》,睇完壓力仲大。舞台劇真係一啲都唔簡單,冇NG,所有情節都要清楚向現場觀眾交待。所以初初毛sir,劉嘉玲搵我我都唔敢即刻答應。」Paul哥坦言。

74歲秦沛將在7月與劉嘉玲、謝君豪演出舞台劇《奪命証人》。(攝影:梁碧玲 )
Paul哥在訪問中展示11歲時與蕭芳芳、陳寶珠、泰廸羅賓及弟弟姜大偉合演畫劇的照片。(攝影:梁碧玲)

Paul哥表示很多人可能以為他今次是首次演出舞台劇,其實他早在11歲時已演過畫劇,而且更向《香港01》讀眾展示當時的經典珍藏照。「初時有人提起我做過畫劇,我都要諗諗先醒起真有其事,印象真係唔深,直到有影迷搵到呢張咁經典嘅相送俾我,我先記憶猶新,呢張相入面嘅一眾童星包括有陳寶珠、蕭芳芳、泰廸羅賓、梁寶珠(梁醒波的女兒)、鄧小宇(鄧梓峰胞兄)、弟弟姜大偉、妹妹嚴慧及白韻琴。」Paul哥憶述。

提到Paul哥心目中舞台劇演員需具備的條見,他表示現階段的他未有確實答案,但他相信要成為好的演員後天培訓是比較難:「舞台劇演員多少都要有天份,後天培訓的話,無論你幾熟悉方法演技,都不等於是一位好演員。除此之外要記性好,咬字都係好重要。」剛過生日(6月26日)的Paul哥以74歲之齡演出,他明白到有些挑戰並不是常常有機會,他希望在自己有氣有力之時能做多一點,在事業中找到滿足,無憾,「如果今次唔做舞台劇,我會覺得我嘅演藝生涯唔夠美滿,我唔想等到冇記性,阻住地球轉。」

+1
你可能感興趣