【3日2夜．多圖】伍樂怡24吋小蠻腰唔使keep：除咗條腰都冇咩好露
撰文：林迅景
出版：更新：
今次有Kelly Ng同Judy，聽個名都知好睇。
無綫節目《3日2夜》2個女生配搭一直不多，昨晚播出的《3日2夜》第21集由鄺潔楹（Judy）與伍樂怡（Kelly）2位「仙氣女神」遊關島，睇住2位靚女萬四英呎高空跳傘、探訪原住民查莫洛族學鑽木取火、泳池邊享受日光浴、還有出海睇海豚，尤如切身處地一樣，真是滿足晒一眾巴打們長久以來的願望。
伍樂怡（Kelly）真好Fit，冇得輸吖。
+19
而對於伍樂怡來說，這個節目也實現了她一直的願望：「成個trip都好難忘，尤其係skydive同出海睇海豚！skydive係我一直想做而冇膽去做既事，而咁近距離接觸野生海豚係我由細到大都夢寐以求嘅事，喺呢個trip終於實現咗。所以整個行程對我來講好唔真實，好似發緊夢咁，真心好開心又好玩。」首次去關島的伍樂怡（Kelly Ng）與Judy經過《3日2夜》之後，更變成了閨蜜：「我本身其實極貪玩又好即興，同Judy走埋一齊好多火花。大家又會做返自己，一個直腸直肚一個大情大聖，所以感覺好自然，呢次真係變咗真正嘅閨蜜遊。」
伍樂怡條24吋真係好無敵。
「閨密遊」的話，除了玩之外，少不必的就是享受美食。原來在《３日２夜》中經常露出小蠻腰的伍樂怡，就因為這次「閨密遊」而肥了幾磅。「其實我除咗條腰都冇咩好露，哈哈。不過其實我冇特別keep過，去到（關島）仲要食咗好多嘢，好彩拍到尾聲先開始腫出來，好彩依家已經瘦返晒啦。」
+16