【早霸王】男聽眾突破9年Friend zone:我會將最好嘅都俾晒你

撰文:
最後更新日期:

森美一開始都幾擔心Peter會表白失敗。

Friend-zone似乎成了新世代去形容「朋友以上,戀人未滿」嘅曖昧的狀態,而呢個Friend-zone,今日亦出現喺《早霸王》嘅「你知唔知道有人掛住你」環節,男聽眾Peter九年前於夜校認識了Lucy,二人一直有保持聯絡,行街睇戲食飯甚至表白都做齊晒,可惜未能成為拖友。呢日諗住藉《早霸王》再表白,之不過,當森美問到點解會認為係時候成熟時,Peter似乎都唔係好知,只係話「單獨出街機會多咗,又會講吓屋企嘢。」聽到呢度,森美同小儀都認為朋友之間一樣會講屋企嘢,而更甚的是Peter從未同對方談及感情問題(例如鍾意邊類型男仔),Peter解釋因為大家都係內斂嘅人,所以較少提到愛情問題,作為主持的森美,話晒都聽過唔愛情問題,而佢當下的結論就係:「擔心佢放咗你入Friend-zone」

所以係咁獻計點樣先可以再進一步。

Peter雖然未有因Friend-zone呢個字而打退堂鼓,但就補一句「佢生日嘛,如果(表白)唔得咪講聲生日快樂囉。」Peter透露每次同Lucy出街都會送佢返屋企,既然都願意比送返屋企,咁跟住呢?!「坐一陣就走架啦」森美同小儀聽到呢個答案真係失望到暈,森美更即時獻計,叫Peter下次坐吓對方張床,又或者索性表明自己想留底過夜……

Peter默默守候Lucy九年,又真係幾難得。

電話接通之後,當Lucy聽到森美話有人想同你表白後,佢就只係意味深長咁「哦」咗一聲,但問身邊有無追求者,又或者有無朋友係得得哋時,Lucy都一而再咁話「無喎」,正當大家都以為呢個Friend-zone無突破時,Peter就勇敢踏出第一步。「我想同你表白,同埋想為你平反,去年你送咗份好特別嘅生日禮物俾我,搞到全世界都話你係失敗者,但我想話你唔係。你未必係世上最幸福嘅女人,但我會將最好嘅都俾晒你。」聽完表白之後,雙方都靜晒,森美輕輕推一把,問Lucy有咩回應,電話一方,有把好甜嘅聲,講咗句「I Love You」。
 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。