【BB來了‧專訪】姚嘉妮長洲妹唔恨入豪門 嫁林祖輝只因一個原因

撰文:
最後更新日期:

劇集《BB來了》踏入結局篇,劇中姚嘉妮飾演「十三點陪月」許朗,有一個複雜的過去:年少離家出走及多次墮胎。而現實中的姚嘉妮有一個美好的家庭,一個全心全意愛護自己的老公林祖輝,與他育有兩個孩子,一子一女,幸福美滿。

現實中姚嘉妮有一個美滿家庭。(微博圖片)

欣賞林祖輝成熟踏實

嘉妮19歲參加亞洲小姐後獲得當屆季軍,因而認識同為亞視藝人的林祖輝。嘉妮當年也算是當家花旦,美貌與身材並重,應該追求者眾,但她也沒有挑富商或當紅男星,偏偏選擇了作風相對低調的林祖輝,她說:「同佢相處得好舒服,其實我係一個好怕無安全感嘅人,尤其細個嗰時,佢畀人嘅感覺好穩重,唔會花花弗弗,同埋佢年紀比我大一截,嗰時我好細個,只係得十幾歲,如果係年紀相若嘅男仔,都未成熟,當時嘅林祖輝,三十出頭,喺我心目中,已經係一個成熟嘅男士。」

據說當年嘉妮選亞姐時,林祖輝已經對她一見鍾情,之後力追伊人。

嘉妮年近40歲,保養得宜,仍有一份少女味。(梁碧玲攝)

雖然林祖輝在演藝路上沒有大紅大紫,但絕對有內涵,而他不僅有學識,對朋友更是兩脇插刀。林祖輝中學就讀傳統名校九龍華仁書院,畢業於香港大學文學院,主修經濟及哲學,難怪與同樣哲學畢業生的黃子華如此投契。子華在最近的棟篤笑《金盆𠺘口》的其中一場公開多謝林祖輝,在他還沒發跡前,多次仗義相助,二人在後台相擁爆喊,非常感人。

黃子華日前與林祖輝在其棟篤笑《金盆𠺘口》後台相擁爆喊。(網上圖片)

嘉妮大讚老公林祖輝人品好:「佢係一個好忠直嘅人,『擔屎唔偷食』,唔會去呃人,佢唔會有好多朋友,但都係一啲關係好長久嘅朋友,例如子華,佢哋依家唔係成日見,但男人就係咁,佢哋唔使成日見,一見面又唔使講好多嘢,男人嘅相處方式好奇怪,我都估唔到子華係咁嘅反應,因為佢哋平時都好Cool。」

林祖輝成熟穩重,難怪可以吸引嘉妮,兩人拍拖七年後,結束愛情長跑,於2006年拉埋天窗,嘉妮說當時覺得是一個Right Timing (適當時機):「嗰時我想生BB,所以決定結婚。」

2006年,27歲嘉妮到了適婚生B年齡,與林祖輝拉埋天窗。

嘉妮欣賞老公林祖輝成熟有義氣。(梁碧玲攝)

難忘初為人母感受:只想全心保護佢

嘉妮在劇中的角色因為遇人不淑而多次墮胎,但她本性喜愛小孩,所以選擇做陪月,同時又助養多名小孩來贖罪,現實中嘉妮有兩個孩子,回想當天初為人母,嘉妮說自己的緊張情況,正如劇中所描述的一樣,因此她份外覺得有共鳴:「你唔好以為誇張,其實好寫實,好貼地,好有共鳴。你會將所有時間放晒佢哋身上,呢個可能真係母性,第一胎真係好緊張,你好唔想離開佢哋,直頭唔想做嘢,只係想全心湊佢哋,第一次出街食飯,當時未有智能手機,我成餐飯開住BB張相望住嚟食,我交畀媽咪幫我湊一陣,我未出到街口已經打電話晤阿媽:『BB點呀?』真係會好緊張,無時無刻都會掛住佢哋。」

直到孩子們返全日制學校,嘉妮笑說當時真係開香檳慶祝,她說:「真係要自己慢慢學識去放手,搵返自己嘅生活,去做運動,搵返自己嘅社交,去工作,平衡返會好啲。」

【BB來了】39歲姚嘉妮大騷長腿 Keep住手腳纖幼靠呢幾種運動

【BB來了】切忌因生B令夫妻關係疏離 四招教你如何表達愛意

身為一子一女之母,嘉妮大讚《BB來了》劇情寫實。(梁碧玲攝)

自言性格似許朗:嘻嘻哈哈面對人生

《B》劇中的朗朗大癲大肺、直腸直肚,經常去笑遮掩傷心的過去,嘉妮坦言真實的她跟朗朗性格相像,她說:「其實都似㗎,我都係鐘意嘻嘻哈哈嗰啲人,朗朗嘅角色係遇到煩惱,就唔諗住,嘻嘻哈哈咗先算,依家嘅我,人生閱歷多咗,遇到難題都係嘻嘻哈哈咗先,唔好太執著,開心咗先算啦,既然執著係唔開心,不如開心咗先算,件事過咗去就會過。我又覺得許朗嘻皮笑臉咁面對人生又啱㗎喎,唔通成日愁眉苦臉咩?」

嘉妮說這種性格可能與她來自長洲有關,年少時住在長洲的她,經常穿著拖鞋就出門,周末躺在沙灘上,不習慣把煩惱扛上身,不以物質來換取快樂,她說:「我覺得開心唔係用錢嚟買,所以我從來唔買名牌,因為呢樣嘢買唔到我嘅開心。

在長洲長大的嘉妮,認為金錢買不到快樂。(梁碧玲攝)

+11
+10
+9

【BB來了】The Rock學做好爸爸 陪女友入產房:這過程改變你一生

【BB來了】盧宛茵演刻薄奶奶演技獲讚:同現實中嘅我相反

【BB來了】盧宛茵曾演「潮文」白鴿眼伯母:第時女婿無樓唔緊要!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。