【全民造星】19歲靚仔姜濤曾經係200磅肥仔:我為咗個女仔而減

撰文:
最後更新日期:

ViuTV舉辦的選秀節目《Good Night Show全民造星》已經完成首輪淘汰賽,而昨晚(1/8)播出的一集就出現了一位令大家眼前一亮的參賽者,佢就係19歲嘅靚仔小鮮肉姜濤。當節目內播出面試片段時,見到連平時惡到爆嘅監製花姐,都忍唔住流露出幸福嘅笑容。去到表演環節,姜濤挑選了賀子玲的歌曲《123我愛你》參賽,最終獲5盞藍燈過關。

姜濤「韓味」十足,加上只有19歲,不時扁嘴賣萌,據知連ViuTV上下的女同事都很喜歡他。(電視截圖)

從小到大是肥仔 最高峰達200磅

姜濤在節目中透露自己從小到大都是個肥仔,最高峰更達200磅,但偏偏喜歡唱歌和表演,過往經常受不同人的嘲笑及打擊。至於問到為何要參加這個比賽,他直言去年參加了內地歌唱節目《快樂男聲》,但進入30強就止步。他坦言當時自己都沒有準備好就參賽,所以今次的選秀對自己來說是一個考試,看看自己是否能克服緊張、自卑等問題:「好多人講死肥仔,或者其他難聽嘅說話,對於一個肥仔嚟講都係一個幾大嘅傷害。睇返自己點解差咁遠,少不免都會有唔開心。既然我要做呢一行,我要有做返呢一行我要有嘅自己。」

談起還是肥仔時遭惡言批評,姜濤直言到現時都還有自卑的心態。(電視截圖)

帶氧運動不可少 負重運動都要做

問到如何在1年多由200磅減到140磅,姜濤接受《香港01》訪問時便表示最初用了錯誤的減肥方法,試過全日只吃生果兼狂做運動。因為當時還在發育期,所以瘦很快,不過這樣就導致身體差了,所以不建議大家用以上的方法。其後,修讀了運動教練的課程去學習知識和理論,才知道原來要配合帶氧運動及負重運動訓練,兩者兼備才可以減得健康又不會反彈。

他笑言自己一向都比較喜歡美食,所以一個星期或者每半個月就會讓自己放縱一下盡情食,其他日子會吃得清淡:「早餐可以食得豐富啲,因為早餐食嘅嘢都會喺一日裡面嘅活動消耗到。午餐嘅話就食到覺飽就可以,但都係以清淡為主。晚餐其實可以食容易消化嘅食物,因為夜晚主要係俾胃同身體休息嘅時間 ,建議大家可以選擇一啲生果或者生菜等容易消化嘅食物。」

看到姜濤現時的樣子,根本想不到原來以前大重達200磅。(電視截圖)

為女神減磅搣甩肥膏 惜對方投他人懷抱

至於談到為何要減磅,姜濤坦言是為了心儀對象:「我係為咗一個女仔而開始減磅,後來個女仔同第二個一齊咗,就覺得其實女仔都係睇樣。嗰時媽咪都好鼓勵我減肥,仲同我講,而家已經好靚仔,減完肥應該會更靚仔。所以我肥嗰時雖然唔太自信,但其實自問自己都唔係太差。減肥之後,身邊嘅人就見到你有改變。減肥初期係辛苦,但當有人見到你有轉變,你又開始見到有成果,就會一直進步。」

由肥仔變成靚仔,姜濤下了不少苦功,既然最初減磅是為了心儀對象,現時又是否多了女性埋身?他笑言自己沒有留意,但現在起碼對人際關係方面會更有自信:「我一直都學習緊點同女仔相處,因為當有女仔同我講嘢嗰時,心態上都覺得自己冇自信,可能自己咁就錯失咗好多機會。」

其實姜濤BB的確幾靚仔,點擊下圖睇真啲:

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。