【港姐2018】曾志偉冇得做司儀? 總監何小慧:同佢冇任何問題!

撰文:吳子生
出版:更新:

香港小姐二十位入圍後選佳麗現身將軍澳會見傳媒,原先場地安排在室外泳池,但因天雨關係,改為室內,眾人身穿泳衣亮相,展示完美體態,表現斯文淡定,今屆港姐可以質素相當高。

今屆港姐取消出埠拍外景,早前曾志偉表示節目失色不少,無綫非戲劇分部經理暨節目監製何小慧,接受《香港01》訪問時說:「其實我哋今年港姐時間比較短,以往港姐起碼都有兩至三個月,其實今年只有大概個半月,時間係唔夠,就算唔出外景都影響唔係太大,你哋都睇到過往我哋都去過好多哋方,既然時間咁短,倒不如畀啲女仔留番喺香港,多啲時去訓練,咁樣重要啲,因為有20個女仔咁多,過往係10至12個女仔,咁其實20個女仔係比較多人,今年唔出埠,唔等同佢哋素質唔好呀,大家唔使猜測呢樣嘢,可能出年都會去。」

節目總監何小惠表示今屆港姐會現場直播3小時。(陳順禎攝)

有傳曾志偉世界盃期間拉隊亮相ViuTv節目,辣㷫TVB,因此被封殺,絕跡今屆港姐司儀,何小惠說:「其實我哋同志偉冇嘢嘅,我哋26號再公布,到底評判係邊個,MC係邊個,大家當有一個神秘感先囉。」

何小惠覺得今屆港姐都好有質素。(陳順禎攝)