【兄弟大茶飯】蕭正楠感謝曹永廉神助攻 曾因一句說話不敢說笑 

撰文:
最後更新日期:

蕭正楠和曹永廉這對孖寶兄弟主持的節目《兄弟大茶飯》自出街後反應甚佳,不少觀眾邊睇邊笑,大讚兩位主持烹飪功力有返咁上下外之餘,亦盛讚互寸互窒的場面勁有火花。昨晚(9日)播出的一集中,蕭正楠和曹永廉便為正於深圳開工的《白色強人》劇組煮外賣,當他們在煲紅棗桃膠圓肉雪耳糖水時,蕭正楠便向觀眾介紹桃膠是桃樹分泌物,對女性特別有益,講完後他即講踩界對白:「其實我啲分泌物都可以俾女性食用!」曹永廉聽到後即加多把口拉對方女友黃翠如落水:「你淨係畀一個人食㗎啫!你無端端講啲咁嘅嘢,出唔出得街㗎?」非常搞笑。

【兄弟大茶飯】胡定欣墮馬碌山坡 成面沙面不改容

蕭正楠和曹永廉在《兄弟大茶飯》繼續講踩界對白,連黃翠如都疑似被拉落水。(電視畫面)

+3
+2

其實,蕭正楠近年的搞笑功力確實是進步不少,無論在綜藝中還是劇集中,其喜感都能夠收放自如,總能令觀眾捧腹大笑,以《超時空男臣》(2017)為例,飾演「袁崇煥/雲大軍」的他就算普普通通行步路已經充滿住戇直喜感。問這種多變的喜感從何而來,蕭正楠接受《香港01》訪問時便答謂:「我真係幾鍾意搞笑,呢啲可能都係我老竇遺傳畀我,我唔敢講自己有喜感,我淨係鍾意同老廉亂噏廿四啫!」

【兄弟大茶飯.專訪】蕭正楠曹永廉爆兄弟大鑊:佢哋好污糟邋遢

蕭正楠在《超時空男臣》亦有超水準演出,舉手投足都充滿喜感。(劇照)

即使父親早已2004年逝世,但蕭正楠仍然未有忘記到對方的搞笑事蹟:「佢面皮好厚,好鍾意成日拎身邊朋友嚟開玩笑,佢係家族裏面嘅笑彈嚟,依家個波就交咗畀我。(會好似你辣着咁阿廉咁辣着啲朋友?)十次裏面都有一、兩次辣着,佢知衰嘅時候都會好誠心咁道歉,但係過一排後佢又會搞返事,哈哈!不過,日子長咗所以朋友都會知我老竇係大細路一名,冇人會同佢計較。」他亦覺得現時既識得去搞笑又學到如何開心生活,父親應該好安慰:「無論佢喺邊,我都希望佢見到今日嘅我生活得好開心,唔使再為我擔心。」

【兄弟大茶飯】蕭正楠曹永廉打造下半年最佳綜藝 賤格對白逐格睇

蕭正楠在星期一(6日)播出一集中摷醒熟睡的曹永廉,曹永廉即動真火:「你哋使唔使咁呀大佬!」事後,他接受《香港01》訪問時便笑指當時其實是做戲:「有排過嘅,你覺得似成功咗!不過幕後都話似。」(電視畫面)

+6
+5
+4

不過,蕭正楠坦言有一段長時間不敢搞笑:「初初入行唱歌嗰陣,就係因為懶係搞笑,得罪咗人都唔知,我有好多年都唔敢亂講嘢,直至老廉喺我人生裏面出現,先至我嘅搞笑性格帶返出嚟。希望我同老廉,某日可以有星爺(周星馳)、達哥(吳孟達)嘅十份一火花。」

如果大家對娛樂新聞認識夠深,應該會記得蕭正楠2002年時初入樂壇即橫掃各大新人獎的威水史,當時唱片公司高層李進在一個慶功宴上恭喜他成績斐然,蕭正楠即回敬一句「邪不能勝正」,心想數個月前李進接受周刊訪問,文章標題正是〈邪不能勝正〉,既可以恭維對方又能夠搞搞氣氛,豈料有傳媒藉此大造文章,話他影射同期出道的麥浚龍,有傳聞指蕭正楠因此遭到封殺而被逼轉戰內地。不過,以上所述已成過去,蕭正楠亦放膽去搞笑。

【兄弟大茶飯】曹永廉、黃浩然兄弟反目 楊千嬅:「乜膠話?」

蕭正楠和曹永廉可算是無綫中最有價值組合,期待他們再次在幕前合作。(資料圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。