【美女廚房】美女學徒程美段Kiwi被踢走 TVB PA:下集開始唔使返

撰文:
最後更新日期:

動漫電玩節2018,Kiwi都有去㗎。(網上圖片)

《美女廚房》新加集數入面「美女學徒」換晒衫,又幾靚喎。(黃國立攝)

《美女廚房》由開播以來收視雖不算非常之好,但反應也尚算不俗,同時也吸引到一班固定的觀眾支持,所以近日劇組就宣佈加推6集,兼替一眾「美女學徒」換上新衣,紅黑色短裙搭配無袖上衣真係與別不同,尤其是「美女學徒」之一的洛兒穿上新制服之後又更加突出。不過,另一位「美女學徒」程美段(Kiwi)就缺席了該次節目拍攝,Kiwi接受《香港01》訪問時說:「突然間,監製經過啲PA同我講話,新嘅集數唔使我返去啦,咪即係唔用我囉。」

但係新加嘅集數就冇咗Kiwi,原來Kiwi被炒其實係有段故。(林迅景攝)

Kiwi接到PA通知時,也有問及原因,但PA只以一句「唔清楚,唔好意思」了事。Kiwi:「原因其實大家都估到,之前拍節目嘅時候都Feel到有啲面左左。其實拍節目嘅時候會預先拍一啲『美女學徒』反應Shot,之後先會正式錄影。之前都拍到我反應Shot,但係上一次入廠拍節目之後,就冇晒拍我嘅反應Shot,仲特登調我坐後面添。」事緣其實是因為Kiwi想請假而不得要領,Kiwi:「其實嗰次拍晒反應Shot之後,我就問PA話反應Shot拍晒,夜晚有啲事可唔可以行得開,因為我嗰晚想請假去Casting,都係臨時收到通知。嗰時監製都喺隔離,佢就反應好大,仲話:『如果你今晚唔出現嘅話就以後都唔使嚟。』即係唔再用我。咁後尾嗰晚我都選擇留低拍埋佢冇去到Casting。」

【美女廚房】美女學徒程美段Kiwi形象百變 影過藝術全祼寫真

【美女廚房】一文睇晒5位素人美女 打碟DJ洛兒隨時係全場最靚

其實《美女廚房》入面嘅「美女學徒」一直被網民話係「佈景板」,再加上出鏡機會又少,拍攝時間又長,所以實際講,事業上幫唔到啲乜。(林迅景攝)

Kiwi續說:「好多女仔都會請假去做其他Job,後尾嗰晚拍嘅時候,我先知原來嗰晚有其他女仔要過隔離廠拍《Think Big天地》,所以《美女廚房》先會唔夠女仔,睇起嚟就會成排空晒好肉酸。其實平時開廠一個半個『美女學徒』要早走都冇嘢。」每一集節目拍攝時間少則5小時,多則10小時,但最後只是計算一個騷錢的話,其實人工真的不多。

【動漫節2018】美女學徒程美段着兔仔睡衣睇漫畫:我覺得幾可愛

【美女廚房‧極多圖】梁凱程每晚搽Cream護超長腿:度過有44吋!

之前Kiwi性感兔仔裝行動漫電玩節,相信已經引起劇組不滿。不過同時間亦令Kiwi嘅Instagram粉絲人數三級跳。(網上圖片)

就係呢個兔仔裝,令唔少網民都留意到佢。(受訪者提供)

Kiwi說到,其實一開始由傳媒報導她有拍過藝術祼照的時候,就已被劇組傳召「照肺」。「嗰時我返到去,佢哋已經唔多鍾意,仲問我:『仲有冇其他相,仲話高層都好關注咁樣。』之後仲有動漫節嗰啲報導。我諗我呢啲出位嘅行為同報導,佢哋不嬲都唔滿意㗎啦。」Kiwi言談之間更透露了一點點失落:「其實你冇問,我都冇諗住講由佢慢慢淡化就算。始終TVB俾咗個咁好嘅機會我拍《美女廚房》,冇拍個節目又邊會有咁多人識我。同埋劇組同咁多位主持都對我好好,離開《美女廚房》其實我都有少少唔捨得㗎。」

唔少網民都好Like Kiwi,點解?唔使我講啦。(Instagram圖片)

+24
+23
+22


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。