無綫節目《美女廚房》一班美女學徒隨時受歡迎過林盛斌（Bob）、蕭正楠和張振朗三位男主持，不過大受男士歡迎的程美段（Kiwi）最近卻疑似因為請假問題而「冇得留低」。今日（15日），一班美女學徒在將軍澳電視城為節目錄節，其中一位學徒洛兒接受《香港01》記者便指自己收到程美段被Foul的消息，但不清楚真正原因：「其實我哋成班都好Friend，但佢俾人踢走就冇同我哋講原因，但我有睇過篇報道，可能同佢前排喺動漫節出現有關。」

洛兒受訪時亦坦言有留意到程美段有因為被踢走而感到不快：「其實美女廚房真係一個好好機會嚟，可以有一個好發展嘛。（會唔會唔敢請假？）我工作時間安排得好好，有預留時間拍攝《美女廚房》。」

如果有留意《英雄聯盟》這個網上遊戲，相信都會知道洛兒男友其實是曾奪世界冠軍的Toyz（劉偉健），不過洛兒卻甚少在社交網站中貼出兩人合照，令好多粉絲都認為他們已經「分手」，對此洛兒未有承認或否認：「公司唔方便我講太多，因為自從做咗幕前之後公司唔畀我講太多。」