【早霸王】交友apps識女唔知樣照約見面 森美:要有份勇氣

撰文:
最後更新日期:

聽到阿星用交友apps識朋友,森美同小儀都好認真咁話:「時勢唔同,要小心啲。」

又係《早霸王》「你知道唔知道有人掛住你」環節,今次男主角阿星透過交友apps識咗一名女友……不過,一聽到「交友apps」呢幾個字,森美都即時十分謹慎:「有無check過對方男定女?」、「對方有無男/女朋友?」通過「審核」之後,阿星就話三個多月前於交友apps遇上了她,大概傾談了個多月才得到對方電話號碼,並相約見面,而喺呢個過程中,大家都唔知對方係點樣,聽到呢度,連森美都不敢大讚阿星超有勇氣,並送上掌聱鼓勵。

森美話自己無用過交友apps喎,但就被質疑有用過交友網站……

阿星之所以咁勇,係因為佢覺得同對方十分啱傾,「見到佢嗰刻好有親切感,好似中學同學咁,之後有keep 住出街食飯。」雖然聽落都好大機會表白成功,但原來仲有下文,阿星話前陣子同對方一齊去睇星星,期間當然就有拖吓手咁啦,點知……「捉咗佢十秒就佢鬆開咗。」回程中,阿星表示同對方都有講有笑,但就唔敢追問「鬆手」原因。但之後女方態度突變,WhatsApp已讀不回亦都唔聽阿星電話,直到幾日前,女方表示:「其實我都唔係你邊個,你唔需要掛住、同擔心我。」到底係乜原因令到女方態度突變呢?電話雖然接通,但好快就被cut線,留下充滿黑人問號嘅主持同埋男主角阿星……



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。