田蕊妮加盟《星娛樂》轉戰樂壇 阿田：我好似從未踏入過
撰文：賴家杰
出版：更新：
田蕊妮周四（23日）宣佈加盟唱片公司《星娛樂》進軍樂壇，阿田笑言心情十分緊張：「我完全估唔到，好興奮。其實今次出唱片我唔係第一次出，幾年前出過一隻，但今次同上次感覺唔同，上次係因為完成自己夢想，今次廣東話翻唱歌，亦都有自己嘅原唱歌，所以參與度多咗，MV都係第一次做導演，所以十分緊張。」
田蕊妮今日（23日）加盟《星娛樂》轉戰樂壇。（梁碧玲攝）
問到今次係咪強勢回歸樂壇？阿田聽到後大笑三聲，「冇，唔會，我又唔覺得係，其實到現今我唔知道自己算唔算呢個樂壇一份子，因為我覺得好似...雖然我參加歌唱比賽入行，但一直我俾大家印象好似係演員身份比較多，可能好少聯想到我會唱歌方面，所以你話回歸樂壇，其實我好似從來未踏入過樂壇，所以唔算回歸樂壇，不過我覺得我好幸運，到現今仲有人俾機會我出唱片。」
阿田今日正式宣布離開TVB。（梁碧玲攝）
同時間發佈會中阿田亦發佈由佢執導嘅新歌《兩口子》MV，MV中阿田更請到老公杜文澤客串，阿田直言Mv係有意思：「我想講講點解呢隻專輯有三首新歌呢？因為其實我有三項訊息想同大家分享，而呢一點我係拍劇冇法表達到出嚟，第一樣係婚姻，其實我同我老公結婚結咗十幾年，其實詞真係填得好好，完全係我想表達出嚟嘅事，所以今次我覺得呢個MV需要我拍番，因為先係我最真實感受，去到MV結尾我覺得點都要出現阿澤喺到，因為呢首歌某程度都係我同佢結婚多年嘅一段感覺或者紀錄，亦都可能有好多人結婚十幾嘅年感覺都係差唔多，所以最後點樣都要佢出現，當彩蛋作用又好啦，最後寓意係無論配偶心目中點變都好，佢永遠都係我男神。」
阿田新歌《兩口子》中想表達嘅意思係配偶心目中，佢永遠都係男神，想信阿澤聽到時候一定好Sweet。（梁碧玲攝）
+4