劉佩玥被拍得與周志文船P浮床上激吻 唔通真係近水樓台先得月?

撰文:林迅景
出版:更新:
周志文同劉佩玥經常上翟威廉個「Happy Live」玩遊戲同Jam歌。(影片截圖)

無綫電視台多靚仔靚女就人所皆知,而在日久生情之下,有不少藝人都會互生情愫繼以成為情侶。早前大孖周志文在2015年6月被提前與無綫解約,據指就因為他與多名女星傳緋聞而箇中關係又太過複雜所致。其實自周志文加入以來,傳過緋聞的就已經有馬賽、蔡思貝、何雁詩、劉佩玥、陳瀅、吳若希等,名單真係厚過本電話簿。

呢個船p數埋起碼有20位藝人去玩,陣容仲一啲都唔弱。(Instagram圖片)

傳聞大孖周志文一直都有力追宅男女神劉佩玥(Moon),正所謂「近水樓台先得月」,其實周志文一直都有上翟威廉的Happy Live Jam歌,而劉佩玥又經常是座上之客。昨日一班無綫藝人趁住夏天的尾聲,更一起坐遊船出海玩,當中有麥明詩、余思霆、鄧以婷、翟威廉、林師傑、蝦頭、周志康、鍾君揚、葉蒨文、王歌慧、王子涵、何浩文、何佩瑜等等,多到數都數唔晒,就連周志文與劉佩玥都有一同出席。

有合照影到周志文同劉佩玥坐埋同一張浮床。(Instagram圖片)
大合照嘅時候,兩人都企到好近。不過例牌都有人做掩護隔開幾個身位。(Instagram圖片)
放大啲睇,黃色衫就係劉佩玥,而左手邊少少嘅就應該係周志文。(Instagram圖片)

當日一班藝人先是開Live唱歌,之後眾人就一一跳落水玩各種水上活動,合照時周志文與劉佩玥就毫不避嫌地坐埋同一張浮床。不過就有網民發現,當日周志文與劉佩玥同坐一張浮床時就疑似四腳緊扣,而其中一個畫面的角落更影到兩人疑似坐在浮床上激吻起來。不知道周志文與劉佩玥這對「緋聞情侶」會不會因此而成真正情侶關係呢?

會唔會只係角度問題?(網上圖片)

其實同場仲有超級10位女神,位位都着晒泳衣落水玩又曬太陽,所以話呢個係有史而來最豪華陣容船P就一啲都唔過分。

+17

當然,唔少得大家心目中嘅女神,劉佩玥(Moon)。

+13
你可能感興趣