【3日2夜】陳睿雯食蠶蟲面不改容 陳詩欣食評：爆漿嘔心又好腥
撰文：林迅景
出版：更新：
陳睿雯陳詩欣兩位去咗蕃茄節玩。（受訪者提供）
《3日2夜》繼續有常客陳詩欣（Eunice），而9月8日節目中出現的另一位就是陳睿雯（Cherub）。說起陳睿雯（Cherub），其實她入行資歷不算深。這位來自中國廣州的女生，入行前是修讀香港中文大學修讀市場營銷碩士課程，其後2016年經由「香港小姐」競選並成為最強十強，雖然落選，但憑著可愛樣貌以及高挑的身型獲簽約成為藝員。在2017年正式加入TVB之後，就立即被安排工作，例如參演《溏心風暴3》以及在TVB娛樂新聞台中擔任國語主持。不過最令巴打們熟悉的，莫過於是J2台播出與梁凱晴拍檔的《3日2夜》第三輯臺南篇。
睇唔出陳睿雯（Cherub）原來好大膽，佢形容食蟲係平常不過。（受訪者提供）
不過話說回來，今集兩位長腿女神陳詩欣（Eunice）、陳睿雯（Cherub）會到韓國遊山玩水，還會去蕃茄節掟蕃茄兼會食蟲。陳睿雯（Cherub）接受《香港01》訪問時說：「佢哋話最難忘嘅係食蟲嗰一部份，大家都話好驚食蟲，但係我又覺得冇乜好驚，原來呢個世界同我認知嘅有啲唔一樣。其實我好細個嘅時候就食過水曱甴，不過呢啲嘢都係來自於自然㗎嘛。導演仲話我乜都食得，特別適合拍《荒野求生》嗰類節目添！」
（點擊細圖放大）
+13
陳詩欣話自己係第一次食蟲，食嗰時好驚，但係食過之後就唔怕喎。（Instagram圖片）
雖然陳睿雯（Cherub）就話食蟲好easy好好食，但係另一邊的陳詩欣（Eunice）就食到喊晒口。陳詩欣接受《香港01》訪問時說：「因為佢係廣州人嘅關係，佢就以為食蟲好普遍，佢就以為我哋全部人都食蟲嘅，但係我嗰陣時係好驚囉。」Eunice表示，這是她第一次嘗試這種「美食」。她說：「嗰條蠶蟲嚟嘅，跟住咬落去呢，有啲汁喺個口入面爆出嚟囉，好似爆漿咁，好嘔心好腥㗎。」
（點擊細圖放大）
+5
不過節目精彩部份又點止咁少。陳詩欣、陳睿雯兩位都不約而同表示今集去蕃茄節「掟蕃茄」刺激又好玩，之後又有玩四驅越野電單車以及水上活動。節目未播出之前，大家可以睇住相欣賞下先。
（點擊細圖放大）
+15