與謝東閔傳緋聞 胡定欣答非所問：點解佢個短訊淨係講生日快樂？
撰文：朱奕錦
出版：更新：
胡定欣（Nancy）今日（12日）以一身金色方領上衣搭配牛仔褲出席活動，剛剛同一班好姊妹慶祝完37歲牛一的定欣，直言大家為自己慶祝生日時帶了6支酒，不過就沒有飲醉，去到剛剛好的位置就已經好盡興。而當晚定欣和謝東閔的一張合照，令不少網友都大呼兩人「好襯」，以為兩人拍緊拖：「好好笑喎，我仲話佢點解send個message淨係happy birthday，可唔可以寫多兩句呀？咁跟住惹嚟大家咁有趣嘅反應，大家成班都係好朋友囉。」
定欣澄清同謝東閔拍拖傳言，笑言大家只是好朋友，對感情事隨緣。（黃國立攝）
日前陳展鵬宣布和單文柔（Phoebe）結婚，定欣表示自己已為對方送上祝福：「我哋有個《城寨英雄》的group chat，大家都send短訊恭喜佢呀，好替佢開心。（去飲？）如果佢會辦婚禮嘅，咁我又被邀請嘅，當然啦，開心事嚟嘛。」
定欣透露已在群組祝賀展鵬結婚。（黃國立攝）
內地古裝劇《延禧攻略》掀起全城熱話，定欣也有追看，現在內地電視劇在香港愈來愈受歡迎，唔知身為視后的定欣，會不會擔心港劇失去競爭力呢？「我覺得唔可以咁樣去講嘅，咁每個劇都有佢成功嘅原因，我覺得好睇嘅就大家一齊分享去睇囉，咁公司亦都買咗呢個片返嚟，證明都係有相當嘅質素，我哋有我哋自己做返本地嘅製作。」港劇曾經好輝煌，近年的發展大不如前，不過定欣就說公司在劇集的創作和質素方面，一路都好努力去迎合市場的需要：「我哋身為公司嘅同事，就係畀心機去做，同公司一齊配合，拍多啲好嘅劇畀大家睇。」
定欣稱自己也有追看《延禧攻略》，不怕競爭，直言好作品應該分享。（黃國立攝）
呢段時間定欣就接緊外面的工作，不用長時間拍劇的她也覺得非常開心，可以扮靚出席活動，而九月尾她就會同姚子羚（Elaine）、蕭正楠（Edward）、曹永廉去瑞士拍攝旅遊節目：「我哋都好期待，大家已經每日喺群組裏面討論要準備啲咩衫呀，帶幾多喼呀，我哋自己私底下又係好朋友，真係寓工作於娛樂囉。」
定欣暫時未知幾時會拍新劇，九月尾會同一班老友去瑞士拍攝旅遊節目。（黃國立攝）
+5