【黃金有罪】「抄」考《中國合伙人》？ 洪永城西裝長髮娘味濃
撰文：秦志鴻
出版：更新：
電影、電視題材互相交替參考經常發生，即使「照抄」亦不足為奇，只要改編得宜亦不無道理。最近無綫新劇《黃金有罪》的演員造型曝光，只見洪永城、蕭正楠以及何遠東以7、80年代西裝look示人，兼並排蹲低向鏡頭傻笑，記者腦內靈光一閃，浮現2013年內地電影《中國合伙人》的宣傳海報。《中》片的故事背景是80年代，與《黃》劇的時代背景不謀而合！
真係橫睇掂睇都好似。《中國合伙人》以7、80年代為背景，是講述黃曉明、鄧超以及佟大為三位大學生的創業奮鬥故事。（網上圖片）
玩吓啫！
為了求證，香港01記者決定致電洪永城（Tony）問個究竟，Tony笑言：「玩吓啫！其實係冇《中國合伙人》嘅元素嘅！至於我哋三個人擺呢個動作，係因為個feel幾似啫。」
長頭髮的洪永城，的確有點小混混感覺。（陳順禎攝）
洪永城向父親請教追女仔方法
其實《黃》劇的主演除了有洪永城、蕭正楠以及何遠東之外，還有張兆輝。故事以7、80年代的香港作為背景，並以股票作為題材，而Tony所飾演的是一名小混混股票行經紀，更笑言要向父親偷師：「搵返爸爸媽媽當年做嘅嘢，攞返佢哋啲服飾，問返佢哋啲甫士點擺，講嘢嘅方法，又可以問佢溝女呀、去約會會講咩呀、用咩氹女仔呀咁、因為每個年代都唔同。不過我爸爸書卷味重啲，而我就係小混混，低下階層，古惑少少，玩味重啲嘅𡃁仔，可能會參考唔到。」
點擊下圖放大逐格睇下《黃金有罪》眾演員嘅造型：
這個長髮側分的蕭正楠，又令記者想起《巨輪》。（陳順禎攝）
+3