【廣告女皇】23位參賽者宣傳照公開　網民睹原貌後直斥「照騙」

ViuTV最近突然宣布選美真人騷《廣告女皇》在10月8日正式首播，搞到一班觀眾感到非常訝異，因為另一個選秀節目《全民造星》尚未完結，到10月14日至舉行總決賽，所以好有自己打自己的感覺，觀眾亦質疑《廣告女皇》播出後能否做到《全民造星》的規模及效果，始終《全民造星》比起ViuTV之前搞過的大型節目更為理想。

日前，ViuTV亦開展了《廣告女皇》的宣傳攻勢，先後在網上公開23位參賽者的宣傳照片和片段，不過好多觀眾、網友睇完後就覺得整件事好有騙案感覺，因為不少參賽者在照片上和在影片中的分別甚大，不少人比較完兩者後即看不過眼，忍不住在ViuTV的Facebook專頁中留言，當中更有不少mean爆言論：「不如改鬥PS、化妝功力」、「啲硬照靚過真人動態好多，製作團隊真心勁」、「老老實實，有幾多個係男人扮？」

至於分別是否如此明顯、是否「照騙」級別，點擊圖片睇完後便心裏有數：

雖然網民踩得如此過分，但其實23位參賽者中卻不乏靚女，當中最搶眼莫過於劉思琦（Kayze），她在宣傳短片中的樣子和在照片中的確分別不大，有網友仲大讚她有幾分似2013年港姐亞軍蔡思貝。